Edmundu “Sei reativa Ensino Aprendizasem ba Estudante Finalista Sira iha Covalima”

Covalima (RCCT) 01-06-21 Diretor Edukasaun Municipio Covalima konsidera Situasaun Estado Emergensia (EE) no Serka Sanitaria (SS) fo impaktu bo’ot ba Estudante sira iha Municipio Covalima, tanba ne’e Diretor Edukasaun Municipio Covalima Edmundo Ferreira sujere ba Administrador Postu Sira iha Covalima atu reativa hikas prosessu Aprendizasem ba Estudante Finalista sira atu nune’e Sira bele hasoru Exame Nasional ho di’ak.

” Atu reativa Ensino Aprendizasem iha Eskola ne’e fokus Liu ba Finalista Sira husi primeiru siklu, Segundo siklu, terceiru Siklu, atu nune’e ba oin Sira bele hasoru Exame ne’e ho di’ak, ba Sira ne’ebe maka la finalista ne’e Nafatin suspende lai Tamba Ita hare ba situasaun” Dehan Diretur Edmundo wainhira partisipa iha engkontru Ekipa Taksforce nbe realizasa iha salaun administrasaun Covalima Segunda Feira (01-06)

Nune’e mos Administrador Municipio Covalima Francisco de Andrade apoio atu reativa hikas prosessu Aprendizasem ba Estudante Finalista Sira, maibe Nafatin tuir protokolu OMS nian.

” Ida ne’e di’ak, maibe prioridade Liu ba Finalista Sira deit, depois Sira tenke kumpri regras sira nebe maka iha, no kada sala ida bele Ema nain 10 deit, maibe depende ba numeru Estudante, depois Lisaun Ida tenke iha oras Ida Nia laran deit” Dehan Administrador Munisipio.

Entertanto liga ho preokupasaun hirak ne’e Diretor Edukasaun Municipio Covalima sei hato’o ba Minsterio Edukasaun atu nune’e tempo badak bele reativa hikas prosessu Aprendizasem ba Finalista Sira.

Jornalista  : Tynho Gusmao
Editor       : Chamot Nahac