Durante Prosesu ba Libertasaun Timor Leste Ema Barak mak Lakon Familia iha Funu Laran

Covalima (RCCT),25-06-21, Atu hetan Independesia Timor Leste nian, durante iha Luta nia laran Ema barak mak tenki sakrifika ninia vida, Inan barak mak sai faluk no labarik barak mak sai oan kiak tan lakon sira nia inan no aman iha prosesu ba libertasaun ida ne’e, Aleinde ne’e Feto barak mak tenki sakrifika sira nia dignidade hodi devende luta nain sira vida no rai ida ne’e.

Administrador Municipal Fransisco de Andrade ko’alia iha serimonia levantamentu dadus martires sira nian iha Pelet Kinta (24-06) horseik dehan iha prosesu naruk ba liberta Nasaun ne’e, iha konsekuensia oin oin nebe Povu hasoru tanba hakarak ukun rasik aan.

iha tempu at nia laran ita hetan kapturasaun oi-oin, ita hetan ona kapturasaun iha hanoin ida mate ou moris, maibe balu mate iha kadeia laran, no ita nia inan feto sira hetan estraga husi ema halo violasaun sexual kuaze iha Timor iha timor laran hotu” Dehan Administrador Municipio Covalima Fransisco de Andrade.

Andrade hateten, bainhira hetan kapturasaun, ema vida di’ak maka ohin loron ita hamutuk, maibe balu hetan kapturasaun husi ema hanoin at sira maka ohin loron ita foti deit sira nia ruin.

Bainhira hetan kapturasaun ita vida at maka akontesimentu hanesan ohin loron ne’e, bainhira maka ita foti sira nia ruin, maibe iha altura neba ita komunga liafuan ida dehan mate ka moris tenki ukun rasik an, tanba ne’e iha altura neba ferik, katuas, ka joven ita hotu luta, to’o ohin loron ita sai ukun rasik an” Dehan Fransisco de Andrade

Francisco hatutan, familia barak maka kontenti no familia barak maka tristi tanba familia nebe mate iha tempo luta nia laran ne’e familia seidaun halibur sira nia ruin.

Maibe ohin loron familia barak maka tristi tanba, seidauk foti maluk sira nia ruin nebe mate iha tempo neba, maibe ha’u garante katak tanba sira nia mate maka ohin loron ita ukun an iha ne’e, no sira nia terus maka ohin loron ita goja iha nasaun Timor-Leste ida ne’e, ho sira nia mate no sira, maka hin loron ita hotu atu dezemvolve nasaun ida ne’e” Dehan Fransisco de Andrade.

Administrador Municipo Covalima Fransisco de Andrade mos dehan sei kopera ho komandante PNTL ,Veteranos, no governo atu nune ba oin sira sei halo planu di’ak liu tan hodi halibur restus mortais sira iha Covalima.

Kobertura  : Alito de Jesus/Asato Soares

Editor         : Chamot Nahac