Covalima (RCCT) 08-10-21, Segunda Feira ohin Diresaun Transporte Trestre (DTT) Municipio Covalima hamutuk ho ekipa Nasional hahu hala’o teste (tama roda) ba Motorista sira iha Municipio Covalima.
Ba Jornalista sira, Diretur DTT Covalima Joaquim Gusmao hateten, hahu ohin (08/11) sei fo teste ba Motorista hamutuk ema na’in 500.
“Ba Loron Primeiro ami sei fo teste uluk ba motorista ema nain 500 ba motorista sira nebe mak atu hetan karta kondusaun” dehan Direrur Joakuim Gusmao
Diretur DTT Covalima deklara, ba Motorista sira nebe mak pasa ona iha teste (tama roda) ne’e, Diresaun Transporte Trestre sei fo karta kondusaun provijorio ho durasaun ba fulan 6 nian.
” Ba motorista sira nebe mak pasa ona iha tama roda ne’e ami husi DTT sei fo provijoriomente fulan 6 no karta kondusaun original ne’e depende ba iha Nasional tanba sira husi Nasional mak produs karta kondusaun ne’e” katak Joaquim Gusmao
Iha sorin seluk Motorista Andreas Lorenso sente orgulho tanba bele pasa iha teste tama roda.
Entretantu motorista total 1.878 nebe inklui ba Motorista no kondotor kareta sira.
Jornalista : Aje Ferreira
Editor. : Chamot Nahac
