Covalima ( RCCT ) 06-10-21, Dirasaun Teras no Propriedade ( DTP ) Covalima bele atribui halo Arendamentu ba Instituisaun Governu no Organizasaun Naun Governamental ( ONG ) sira nebe presiza rai atu halo sira nia edifisio.
Tuir Diretur DTP Munisipio Covalima Helder Gudinho Martins hateten antes ne’e DTP Covalima fo rai barak ona ba Instituisaun Governu no Organizasaun Naun Governamental ( ONG ) sira hodi halo sira nia Edifisio maibe Organizasaun Naun Governamental ( ONG ) barak mak la selu Arendamentu ba Estadu.
“ Instituisaun Governu no Organizasaun Naun Governamental ( ONG ) ruma mak presiza rai, husi Diresaun Teras Propriedade ( DTP ) atribui ba sira maibe hanesan Instituisaun Governu sira la selu arendamentu, maibe ba Organizasaun Naun Governamental ( ONG ) sira tenke selu arendamentu ba Estadu tamba ne’e hanesan rai estadu nian, maibe to”o agora ONG balu mak selu deit arendamentu ba Estadu maibe NOG barak mos la selu arendamentu ba estadu, maibe tuir lei sidadaun hotu tenke kumpri hodi selu arendamentu ba Estadu, tantu husi ONG no no ema sira ne’ebe mak okupa uma estadu ka rai estadu nian, maibe ba sira ne’ebe mak la selu arendamentu ba Estadu, DTP iha poder tomak atu foti medidas hodi hasai ba ema sira ne’ebe hela iha rai Estadu no Uma Estadu se wain hora laselu arendamentu ba Estadu ” Dehan Diretur DTP Munispio Covalima Helder Gudinho Martins.
Ralasiona ho aredamentu ba Estadu ne’e Diretur DTP Munispio Covalima husu ba okupante ou hela iha rai estadu no hela iha estadu nian bele kopera ho DTP Munisipio Covalima hodi nune’e bele hela iha fatin refere ho dignu.
“Ho hakraik an ba parte nebe mak senti hanesan okupante sasan sira nebe mak la’os sira nian, maibe sasan Governu nian mai iha Terras Propriedade halo koperasaun di’ak hodi nune’e husi DTP bele fasilita imi hodi hela iha fatin refere fatin ho dignu, atu nune’e imi sira nebe’e hela iha rai Estadu no Uma Estadu refere labele sai hanesan okupante ilegal ” Tenik Diretur DTP Munispio Covalima Helder Gudinho Martins.
Entertantu iha dadalia ne’e Diretur Teras Propriedade Helder Gudinho Martins hateten iha tempu badak sira nia ekipa ba halo komfirmasaun kona ba arendamentu ba Estadu ho ema sira nebe hanesan okupante ka hela iha rai Estadu no hela iha uma estadu nian.
Joprnalista : Saturnino Soares
Editor. : Chamot Nahac
