Covalima (RCCT) 13-07-21, Tuir orientasaun husi Ministro Transporte e Comunicasaun liu husi Diresaun Nacional Transporte Terrestre iha Loron 12 Fulan Julho tinan ne’e, atu halo inskrisaun ba Exame Karta Kondusaun, Tanba ne’e DNTT Municipio Covalima husu ba Motorista sira iha Municipio Covalima atu halo Inskrisaun hahu iha Loron 13 to’o Fulan Julho tinan ne’e.
Ba Jornalista RCCT Diretor DNTT Municipio Covalima, Joaquim Gusmao hateten, kriteira ba kandidatus sira atu kumpri maka hanesan, Lori kartaun Atestado Mediku, no Foto Koloridu 3×4 tahan 4, no Osan inskrisaun $ 15.00( Dolar Sanulu resin Lima).
” Orientasaun Nasional husi Diresaun Transporte Terrestre, orientasaun ida Haruka Ami atu halo inskrisaun hahu ohin, ba teste Karta Kondusaun nian, ba Komunidade iha Covalima nebe maka seidauk iha Karta Kondusaun, Tamba ne maka inskrisaun hahu ohin no remata iha Loron 22 Fulan ne, depois kriteira maka Lori Karta Atestado, foto kolorido 3×4 tahan 4, depois ho Osan $ 15.00″ Joaquim dehan.
Nune’e iha Loron 23 Fulan Julho tinan ne’e sei halo workshop ba kandidatus sira, molok atu atu hahu halo teste ba Karta Kondusaun.
Jornalista. : Tynho Gusmao
Editor : Chamot Nahac
