Covalima (RCCT) 04-06-20, Relasiona ho situasaun Covid 19 nebe mosu, hodi hamosu kazu positivuo no moderado iha Timor-Leste maka Governo implementa Estado Emergensia (EE) no Sérka Sanitária (SS) hodi suspende actividade hotu iha Municipio sira inklui Capital Dili, maka Estudante sira obrigatório tenke tuir deit eskola online.
Koalia ba RCCT Edmundo Ferreira hanesan Diretur Servisu Municipal Edukasaun Municipio Covalima hateten, tuir nia observasaun Estudante sira nebe maka tuir aula online ne’e la to’o 10%, tanba Estudante barak maka menus partisipasaun iha Estudo online.
“ Konaba estudu online ne’e depende ba Estudante sira, tanba ita la akonpanha sira, dala ruma sira ne’be maka hakarak atu aproveita buat balu durante iha situasaun ida ne’e sira akonpanha, maibe tuir ha’u nia observasaun ne’e eskola online ne’e nia efetividade ne’e mínimu liu, tanba vontade Estudante sira nian ne’e menus, depois tuir observasaun ha’u nian ne’e, Estudante sira tuir aula online ne’e dala ruma la to’o 10% ” Diretur Edmundo dehan ba RCCT.
Tanba ne’e Diretur Edukasaun Covalima Edmundu Ferreira husu ba Estudante hotu, atu estuda matéria nebe maka hetan ona, atu nune’e, nune’e iha tempo nebe maka suspende atividade ensino aprendizasem, maibe nafatin aprende iha uma liu husi online.
“Ha’u nia mensazem ba Estudante sira hotu katak, mesmo iha tempo Propagasaun ba moras covid ne’e ita nafatin aproveita estuda nafatin materia nebe maka mestre fo, atu nune’e maske iha tempo nebe maka suspende atividades iha eskola ita nafatin bele aprende iha kanal oioin ou liu husi online ” Dehan Edmundo.
Diretur ne’e mos konsidera Situasaun ne’e prejudika ba Estudante sira, liu-liu ba estudantes Finalista sira, tanba sira nia preparasaun ba Exame Nasional ne’e menus no la hanesan ho tinan uluk.
“ Situasaun ida agora ne’e, prejudika maka’as ba Estudante Finalista sira (I Siklu, II Siklu, no III Siklu), depois tinan ida ne’e difisil liu tinan uluk, tanba suspensaun ida ne’e hotu tiha aumenta bebeik, entaun sira nia preparasaun ne’e kuaze la iha, maibe bainhira eskola ne’e reativa fali, ami hamutuk ho Professor sira sei esforsu, atu nune’e it abele prepara Finalista sira ne’e ho diak ” Diretor ne’e hakotu.
Jornalísta : Tynho Gusmão
Editor : Chamot Nahac
