Diretór Terras Covalima-Lei La fo dalan Okupante Fa’an Rai Estadu

Letratu; Diretór Terras no Propriedade Munisipiu Covalima, Helder Godinho Martins/Foto RCCT/Jhana Cardoso

Covalima (RCCT) 04-05-22, Lei númeru 1/2003, konaba Tutularidade Bens I Moveis, la fo dalan ba Okupante atu hetan Diretu hanesan ho na’in ba Rai.

Tanba ne’e ho Kazu Disputa Rai sira neebe na’in sei hela iha Estrajeiru, ne’e Familia sira iha mak iha diretu atu Okupa.

“Kazu disputa rai sira mak hanesan sidaduan na’in ba rai hela iha Indonesia no Australia maibé nia família ho nia oan hela iha ne’e, entaun sira mak iha diretu, Bazea Lei númeru 1/2003 ko’alia kona-ba sidadaun ne’ebé okupa ilegal ema nia sasan, faan tutan rai pribadu no rai abandonadu no rai estadu tanba lei la ko’alia ema ne’ebé mak okupante atu hetan diretu hanesan sidadaun na’in ba rai sei hela hela Indonesia, Australia no Portugal hanesan iha sasin kuñese barak labele manipula” Tenik Helder.

Diretór Terras no Propriedade Munisipiu Covalima, Helder Godinho Martins hatete Papel Terras Propriedade nia atu halo mediasaun ba disputa rai ne’ebé mak akontese entre komunidade sira, bo iha Prosesu halo mediasaun tenki hare evidensia la’os atu Konta historia.

“Papel Terras Propriedade Nia hare Liu ba iha atu hala’o mediasaun ba sidadaun sira ne’ebe Mak iha problema disputa Rai bainhira iha disbuta rai la iha konkordansia hosi parte rua ulun toos nafatin entaun sidaduan sira lori malu ba tribunál “Dehan Hélder Godinho Martins ba Jornalista sira iha nia k’nar Tersa Feira (03/05).

Helder informa, durante nia Mandatu, Terras Propriedades Covalima rejista kazu disputa Rai hamutuk lima (5)

Durante ha’u mandatu iha ne’e besik tinan ida-resin ona, ami rejista kazu disputa Rai la to’o 10 , rejista kazu 5 hanesan ne’e de’it ,tanba balun ami bele rezolve no kazu balun ami haruka ba nasionál mak bele rezolve” Helder Godinho Martins, informa iha nia kna’ar fatin, Santa- Rosa, Tersa Feira (03/05).

Tipu kazu ne’ebé Terras Propriedade Covalima haruka ba Nasionál atu rezolve hanesan; Tipu kazu kategoria ona ba krimi no Kazu ne’ebé hala’o ona Mediasaun maibe. parte rua lakoi simu malu iha Prosesu mediasaun ne’e.

Reportagen : Jhana Cardoso

Editor          : Chamot Nahac