Covalima (RCCT) 12-01-22, Diretór Eskola Sekundaria Geral Publika (ESGP) Suai Franselino Freitas Carvalho hato’o preokupasaun ba Ministeriu Edukasaun Juventude no Desportu (MEJD) konaba menus sala de aula ne’ebé durante ne’e Estudante sira iha (ESGP) Suai infrenta wainhira hala’o Prosesu Aprendizajem.
Tanba ne’e Diretór ESGP Suai husu ba VIII Governu Konstitusional, liu husi Primeiru Ministru Taur Matan Ruak no liu liu ba MEJD atu loke tan Eskola Filial husi ESGP Suai no husu ba MEJD atu loke tan Eskola Sekundaria Foun iha Covalima hodi garantia Ensinu Aprendizajem ba Estudante sira.
“Eskola Sekundaria Geral Publika (ESGP) Suai infrenta menus Sala de Aula tanba ho Numeru Estudante ne’ebé mak bo’ot ho nune’e iha tinan rua liu ba hakarak ka lakoi ami tenki uja Ensinu Bazico nia Sala de Aula hodi hala’o Aprendizajem, tanba ne’e ha’u husu ba Primeiru Ministru (PM) liu ba Ministeriu Edukasaun Joventude no Desportu (MEJD) se bele tinan ne’e karik posibel bele loke tan Eskola filial ida ka Eskola foun ruma atu nune’e Eskola Sekundaria Geral Publika (ESGP) Suai ne’ebé ha’u ata direje ne’e bele garantia Ensinu no Aprendizajem” Diretór ESGP Suai Franselino Freitas hato’o Preukupasaun iha Dialogu ho PM Taur Matan Ruak iha Aeroportu Internasional Kay Rala Xanana Gusmão Tersa Feira (11/01) horseik
Hatan ba Preukupasaun ne’e Ministeriu Edukasaun Joventude no Desportu (MEJD) Armindo Maia hateten, Orsamentu ba infrastrutura Edukativa nian iha tinan 2023 hamutuk Milaun 15 Dollar Amerikanu ho fundus ne’e bele hari Eskola iha teritoriu laran.
“Orsamentu ba Kapital Dezemvolvementu iha tinan 2023 hamutuk Dollar Amerikanu Milaun 2.3 , Osan ladun barak, ita espera katak ho orsamentu hirak ne’e ita bele hari tan Eskola, mais ou menus 20, no mos ba iha tinan 2023 ita mos iha Orsamentu hamutuk Miliaun 15 dollar Amerikanu ba Infrestrutura Edukativa, Orsamentu impresta husi banku Mundial, ita espera katak ho miliaun 15 ne’e bele hari, no hadi’a Eskola hamutuk 100 resin iha teritoriu, espera katak Covalima mos bele hetan” MEJD Armindo Maia, hatan ba Preukupasaun Diretór ESGP Suai iha Aeroportu Internasional Kay Rala Xanana Gusmão Tersa Feira (11/01) horseik
Entretantu Diretór Eskola Geral Publika (ESGP) Suai agradese ba Ministeriu Edukasaun Juventude no Desportu (MEJD) husi Prejetu 16 iha MEJD, ESGP mos hetan Konstrusaun Uma ida ho Sala Tolu no Haris Fatin ida.
Jornalista : Aje Ferreira
Editor : Chamot Nahac
