Covalima (RCCT) 02-07-21, Protesaun Civil Municipio Covalima sei fahe material Konstrusaun ba Komunidade afetado Inundasaun nebe akontese iha Fulan hirak Liu ba iha Covalima.
Cordenador Protesaun Civil Municipio Covalima Dinis Perreira hateten, Familia Uma kain iha Munisipio Covalima nebe atu Simu material Konstrusaun hamutuk Uma kain 15.
” Material Konstrusaun ami seidauk distribui, ami sei hahu loron 6 sei hahu distribui to’o loron 8, familia Uma kain nebe atu Simu ne hamutuk 15, kompostu husi Maukatar 1, Suai 4, Zumalain 3, Tilomar 1, Fohorem 5, Fatumea 1 “ Dinish dehan iha nia Knar Fatin sexta Feira (02/07)
Dinis perreira Informa, iha difikuldade kona ba transporte atu halo distribuisaun material Konstrusaun, Ekipa husi Nasional maka sei halo kontratu ho kompanha sira kona ba Transporte hodi halo Distribuisaun ne’e.
” Difikuldade maka transporte, Combustivel no hahan, maibe atu distribui material Konstrusaun ne’e, Ekipa husi Nasional maka sei halo kontratu ho kompanha sira atu nune distribuisaun ne bele lao diak” Dinis dehan.
Nune’e mos Disnis Fundamenta Protesaun Civil Municipio Covalima fahe ona sasan ba uma kain 228 iha Covalima, total husi uma kain ne’e mai husi tipo Desastre oin 4.
” Husi Diresaun Gestaun Risku Desastre ho Diresaun Nasional Seguransa Patromonio Publiku do Estado, Bombeiros Covalima, ami fahe ona sasan ai-han no items la’os ai-han ba uma kain 228, husi total ne’e kompostu husi inunsaun, ahi-han uma ,Rai halai, Anin sobu “. Dinis dehan.
Jornalista : Tynho Gusmao
Editor : Chamot Nahac
