Dezenvolvimentu atu la’o ho di’ak ema hotu tenki Unidu no Harmonia

Covalima (RCCT) 20-05-22–loron ohin Timor Leste festeza Restaurasaun independencia ba dala XX tanba ne’e povu doben iha Covalima hamutuk ho nain ulun sira iha Covalima konsentra hamutuk iha kampu ladi hodi hala’o Serimonia Isar Bandeira.

Tanba ne’e Sekretariu Estado Meiu Ambiente, Deometro do Amaral de Carvalho hatete Timor Leste restaura ona Independensia ba dala XX, tanba ne’e Ema hotu tenki partsipa hodi hala’o dezenvolvimentu iha rai ida ne’e liu husi mantein estabilidade no harmonizasaun.

Ita nia dalan ba moris di’ak no Estabilidade depende ba Sidadaun hotu tanba selebrasaun Restaurasaun ida ne’e fo hikas fila fali atu to’o mai iha restaurasaun da independensia ida ne’e hodi ema Timor oan rihun atus rua resin nia ruin no ran mak sosa no nia kustu ne’e todan tanba ne’e atu hala’o dezemvovimentu ho di’ak ema hotu tenki partisipa mantein establidade no harmonia atu nune’e dezemvovimentu bele la’o ho di’ak atu nune’e Timor nia oan bele moris ho goja” dehan Governante ne’e.

Governante ne’e mos haksolok ho reativasaun Arte Marsial sira ne’ebé fo sinal di’ak liu husi programa sira neebe Grupu Arte Marsial Sira iha no fo fali biban ba Juven sira atu organiza malu hodi partisipa iha prosesu dezemvovimentu iha nasaun ne’e.

Ha’u mai hanesan reprezentante Governu sentral ha’u senti haksolok tebes mai iha Suai hodi hare selebra restautarasaun independensia ba dala rua nulu hodi hare programa ne’ebé barak tebe tebes liu liu ita hare ba iha reativa Arte Marsial hodi fo fali biban ba joven sira hodi organiza malu no hola parte iha prosesu dezemvovimentu ” Katak Sekretariu Estado Meiu Ambiente, Deometro do Amaral de Carvalho.

Nia agradese ba Administrador Munisipiu Covalima tanba selebrasaun Restaurasaun da Independensia iha Covalima la’o organizadu.

parabens ba Administrador Munisipiu no Strutura tomak ne’ebé organiza eventu ida ne’e hodi komemora restaurasaun da independensia ida ne’e tamba eventu ida ne’e la’o ho kapas no organizado” Nia Hakotu

Reporter : Jhana Cardoso

Editor : Chamot Nahac