Covalima ( RCCT ) Kinta feira 24-06-21, Conselho Municipal Combatentes da Libertasaun Nasional (CMCLN) halo Seremonia levantamentu dadus ba Martires no Vitima sira nebe hetan vitima iha akontesementu Tragedia iha loron 13-08-1984, iha Aldeia Pelet, Suco Lour Posto Administrativu Zumalai.
Iha seremonia ne’e lavantamentu dadus ne’e, vitima nebe hetan violasaun seksual husi Militares Indonesia yunif 412 iha loron akontesimentu Tragedia ne’e, Vitima ho naran Angelina Brites ho matan ben Expresa tanba Bandeira Fretilin ema kaer Angelina nia Laen depois Tiru mate nian no Angelina rasik hetan violasaun seksual husi Militar Indonesia Yunif 412 durante kalan tolu loron tolu nia laran.
“ Ema Militar Indonesia sira kaer ha’u nia katuas tanba ha’u nia katuas oan subar Bandeira Fretilin ho ida ne’e mak Militar Indonesia kaer no tiru mate Nia, depois Militar Indonesia sira hobur ha’u hodi halo violasaun seksual mai ha’u durante loron tolu kalan tolu nia laran maibe familia sira ida mos la salva ha’u tanba sira mos tauk mate ” Vitima Angelina konta Kronologia kona ba Aktu Violassaun seksual nebe nia hetan iha Tempo neba.
Vitima violasaun seksual ne’e hatutan momentu militar Indonesia Yunif 412 halo asaun violasaun ba nia no lori sira na’in tolu ho nia oan na’in rua ba iha fatin Kimaki hodi investiga nia kona ba Lideransaun Fretilin ninian iha momentu neba, maibe vitima konta sai ba Militar Indonesia sira ne’e.
“ Militar Indonesia sira lori ha’u ho ha’u nia ona na’in rua, no ida seluk iha ha’u nia knotak fulan 4, lori ami ba fatin Kimaki hodi investiga ha’u kona ba se mak Bandeira Fretilin nia bo’ot maibe ha’u la konsege hateten sai Bandeira Fretilin nia bo’ot tanba ha’u tauk mate, sira invetiga ha’u durante loron tolu kalan tolu iha Kimaki” Vitima Violassaun seksual Angelina Kontinua Kontanta.
Iha fatin hanesan Xefe Aldeia Fernando Gomes Pelet nebe iha momentu neba hanesan mos sasin ba violasaun seksual hasoru Vitima naran Angelina Brites, Fernando Reforma violasaun seksual akontense tanba Vitima Angelina nia laen subar Bandeira Fretilin iha Momentu naba, sansin ne’e hatutan iha momentu akontesementu ne’e feto na’in ha’at mak sai Vitima ba violasaun seksual no feto nain ida mate kedas iha fatin tanba militares indonesia yunif 412 barak mak troka malu hodi halo asaun seksual ba vitima sira ne’e.
“ Vitima Angelina hetan violasaun seksual ne’e tanba nia katuas oan subar Bandeira Fretilin, tanba ne’e Militar Indoensia Yunif 412 kaer vitima nia katuas lori ba Zumalai iha loron 13 Fulan Agustus iha tinan 1984, no iha loron ne’e kedas Militar Indonesia kaer ferik ne’e no halo violasaun seksual ba nia durante loron tolu kalan tolu nia laran, iha akontesimentu tragedia ne’e feto na’in 4, inklui ferik vitima ne’e no fato na’in ida mate kedas iha fatin tanba militar Indonesia barak mak troka malu halo relasaun seksual ba vitima sira ne’e ” Sasin ba Akontesemetu Fernando Gomes esplika Kronologia Asaun Violasaun Seksual ne’e.
Tuir sasin Fernando hateten Vitima sira nebe mak hetan violasaun seksual husi Militar Indonesia iha tragedia loron 13 Fulan Agustus1984, seidauk hetan direitu sai hanesan veterana hodi simu osan husi governu.
Jornalista : Satunino Soares & Lito de Jesus
Editor : Chamot Nahac
