Desportu Komunitária Iha Fohorem – Jogador no Penonton Liman Kona Malu Iha Kampo Laran Maibe Ran La Sai

Foto: Membru Polisia Iha Eskuadra Fohorem hakama Jogadór no Penonton iha Kampo EBC Fohorem- mais ou menus tuku 4 lokraik Otl (25/11) Foto Kontributor “Leon” Naroman ba Suco.

Covalima (RCCT) 25-11-21, Iha Aktividade Desportivu Iha Postu Administrativu Fohorem nebe Halo Abertura iha Dia 20 de Novenbru atu hodi Festeza loron Proklamasaun Independensia ba 46, Ohin Mosu Desintendimentu entre Jogadore sira inklui Penonton hamosu agresaun fíziku entre Jogadór sira husi Suco Dato-Rua no Suco Fohorem Vila Iha Kampu EBC Fohorem.

Iha Akontesementu ne’e Polisia Eskuadra Fohorem halo Kedas Atuasaun hodi Hakalma Situasaun nebe hodi la rezulta ema kanek.

Komandante PNTL Eskuadra Postu Administrativu Fohorem Raimundo de Araújo Esplika, FC fohorem ho FC Dato Rua deprente mosu Agresaun fíziku entre Jogadór no penonton sira mos halai tama ba kampu laran hodi asalta malu.

” Desportu Komunitária ne’e hodi komemora loron 28 de Novembru, ne’e maka ohin joga ne’e husi Suku Fohorem Vila ho Suku Dato-Rua nian, entaun joga besik atu remata derpente deit mosu problema entre Jogadór ho Jogadór, maibe penonton iha liur ne’e mos la satisfas sira mos halai tama, ne’ebe problema ne’e la’os Jogadór ho Jogadór deit mai penonton ho penonton mos halo problema” Komandante Eskuadra dehan iha Edifisiu Komando Postu Fohorem.

Raimundo de Araújo dehan husi akontesimentu ne’e la iha vítima ida maka kanek, tanba membru PNTL Eskuadra Fohorem hakalma situasaun.

” Husi akontesimentu ne’e la iha vítima ida maka kanek ka Ran tanba ami nain ha’at (4) husi Eskuadra Fohorem konsege hakalma lalais situasaun ne’e, maibe komu ema barak liu entaun ita kaer, iha sorin baku malu namanas, maibe la iha ida maka ran ka hetan kanek” Raimundo esplika

Entretantu mosu agresaun fíziku entre Jogadór sira ne’e iha Kinta-feira (25/11) mais ou menus tuku 4 lokraik Otl, tanba ne’e Polisia Eskuadra Postu Administrativu Fohorem sei bolu ema ne’ebé Involve iha asaun ne’e hodi bele Submete ba investigasaun.

Jornalísta : Tynho Gusmão

Editór       : Chamot Nahac