Deskonfia Ema Deskonesidu Abortus no Soe Bebé-Xefe Aldeia no Komunidade Ai-Oan Inisia Halot Anjo

Covalima (RCCT) 31-08-21, Komunidade Iha Sucu Lalawa, Adeia Ai-Oan Postu Administrativu Tilomar,  Hetan Saku ujadu (Saku Fos) nebe falun ho Plastiku ho koor mean, nebe komunidade deskunfia ema deskonsidu balu uja hodi falun Ran nebe impaktu husi foin Abortus (anju nebe sei dauk nakfilak ba ema). komunidade Aldeia Ai-Oan hetan sasan deskonfiadu ne’e iha loron Sábadu Semana kotuk (28/08) Deskonfia ema deskoñesidu mak falun ran nebe impaktu husi foin Abortus no tenta atu halakon aktu ka hahalok at ne’e.

Kasu Lia Jornalísta RCCT Xefe Aldeia Ai-Oan Manuel Amaral informa Via telefone hateten, Deskonfia ema so’e bebé (Ran nebe impaktu husi Foin Partus) tamba komunidade sira hetan plástiku rua inklui ho karon rua iha du’ut laran, nebe falun hamutuk no nakonu ho ran.

“ Molok ami hare iha loron sabadu ne’e iha loron rua ka tolu liu ba komunidade sira hetan ona maibe sira hanoin ema maka so’e animal ruma, entaun sabadu ne’e ha’u ba hare haruka ema kore, entaun ami hare hanesan ema nia ran aboltus ne’e maka so’e hela iha neba, maibe ami la hatene los katak animal ka ema, so ami deskonfia ema ne’e tamba ema falun metin iha plástiku bo’ot rua ho karon rua depois mesa ran deit, tamba ne’e maka ami deskonfia ema ne’e” Xefe Aldeia Ai-Oan Konfesa liu husi via telefone ba RCCT

Manuel Amaral informa, sira nia parte la informa ba Parte Seguransa no Autoridade Lokál tamba deskonfia deit, maibe iha loron sábadu ne’e (28/08) sira hakoi kedas hodi sunu lilin no kari aifunan.

“ Ami la fo hatene ba Autoridade Lokál sira no parte Seguransa sira tamba ita deskonfia deit, la hatene katak ne’e ema ga animal, ne’e maka iha momentu ne’eba kedas ami hakoi, katak ida ne’e ema mos ita tenke hakoi animal mos ita tenke hakoi,ne’ebe ami falun tia ho ami nia kamiza ida ami ke’e rai kuak pois hakoi, loraik ne’e ami sunu lilin depois kari aifunan ” Xefe Aldeia ne’e esplika.

Tuir Xefe Aldeia Ai-Oan Manuel Amaral nia hare, iha plástiku rua inklui ho karon ne’e mesak ran deit, seidauk define atu sai ema, tamba ne’e nia deskonfia ema abortus ruma maka soe bebé.

“ Ami konsege loke duni hodi hare, depois fakar tiha ran ne’e ba ami nia kamiza ida, maibe ita hatene katak ran ne’ebe laos bebe, maibe ita hatene ran ne’e durante fulan tolu hansane, tamba belit malu los ona ho plastikiu ne’e, ne’ebe ita hare ne’e seidauk sai ema ” Xefe Aldei Ai-Oan Manuel Amaral hakotu.

Jornalísta : Tyno Gusmao
Editor        : Chamot Nahac