Covalima (RCCT) 06-08-21, Cruz Vermelha Timor Leste (CVTL) Filial Covalima Planu atu apoio fatin soe foer (Lixu) ba Ospital Referal Suai no mos fo ba iha fatin ka sentru de vasinasaun sira nebe mak estabelese ona iha Covalima.
Ba Jornalista sira Coorndenador CVTL Covalima Domingos Amaral deklara tempu badak CVTL sei apoio fatin soe foer (Lixu) ba Ospital Referal Suai no iha fatin Vasinasaun, liu-liu ba iha Aldeia no Suco.
“Iha tempu badak ita apoio sei apoio fatin soe foer (Lixu) no kona ba Vasina liu-liu ba iha Aldeia no Suco, karik sira presiza ita nia tulun, ita mos presiza atu suporta, no horseik ita reuniaun ho Diretur Ospital Referal Suai, oinsa atu apoio rekursu humano ba iha Ospital Referal Suai” dehan Cordenador Domingos Amaral
Coordenador CVTL ne’e salienta liu tan katak, CVTL simu ona pedidu husi Diretur Ospital Referal Suai, nebe husu atu fasilita fatin soe foer (Lixu), tan ne’e iha tempu badak CVTL sei entrega fatin soe foer (Lixu) sira ne’e, ba iha Ospital Referal Suai.
“No mos ita simu pedidu balu husi Diretur Ospital Referal Suai, mak atu fasilita fatin soe foer (Lixu) tanba fatin soe foer barak mak at ona, no ita resposta tempu badak ita sei entrega fatin soer foer (Lixu) ba iha Ospital Referal Suai” katak Domingos Amaral
Domingos Amaral informa, CVTL mos sei koko komfirma ho Servisu Saude Municipal nian, kona ba fatin ka Sentru Vasinsaun atu nune’e CVTL bele halo planu konjunta ho Servisu Saude Municipal nune’e CVTL bele apoio transporte.
Jornalista : Aje Ferreira
Editor : Chamot Nahac
