Covalima (RCCT) 06-08-21,CVTL Covalima tama sai uma iha Aldeia tolu Kuna’in, Matai, no Kiar, Suco Matai Postu Administrativu Maukatar, hodi taka Pamfleto no fahe informasaun kona ba Prevensaun da’et Covid-19 ba Komunidade.
Objetivu husi Aktividade desimasaun informasaun no taka pamfletu iha uma komunidade nia uma ne’e atu oinsa kumunidade sira bele komprende di’ak liu tan kona ba prevensaun surtu Covid-19. tanba aleide taka pamfletu ka poster iha Uma, CVTL mos Halo Esplikasaun ba komunidade uma nain sira kona ba oinsa mak atu fase liman ho sabaun no mos halo distasiamentu Sosial hodi Prevene Da’et Covid-19.
Coordenador CVTL Covalima Domingos Gravila Amaral iha intervista hateten, iaktividade ida ne’e hanesan suporta ba Governu no Organizasaun Mundial Saude (OMS), hodi dezamina informasaun ba Komunidade sira nune’e bele komprende di’ak liu tan kona asaun prevensaun ba surtu Covid-19.
“Ne’e hanesan programa prevensaun, kontinuasaun ba surtu Covid-19 ita fahe informasaun ba komunidade sira iha area rural no iha vila ita tama sai uma hodi fahe Pamfletu (Poster) no fahe informasaun ba komunidaede sira liu husi fo esplikasaun ba uma nain sira kona ba oinsa fase liman ho no distansia sosial” Dehan Coordenado CVTL Covalima Domingos Gravila Amaral.
Engkuantu Coordenador CVTL Covalima ne’e Afirma, Programa Taka Pamfletu ka Poster iha Komunidade nia uma ne’e hanesan kontinuasaun ba Programa propagasaun ba Covid-19 nebe mak Antes ne’e CVTL hala’o ona ba komunidade sira iha Suco nebe lokaliza iha area rural nebe CVTL halo liu husi Aviso ba komunidade sira tama sai suco no aldeia, maibe iha kontinuasaun programa ne’e lao diferente CVTL taka Pamfletu iha Komunidade nia uma depois esplka ba uma nain kona ba Asaun Prevensaun Covid-19.
“ida ne’e hanesan kontinuasaun ba Programa nebe uluk iha Serka Sanitaria nia laran CVTL halo Avizu tama sai Suco no Aldeia sira iha foho maibe ba Suco sira iha Vila ne’e ita taka Pamfletu maibe molok taka pamfletu ita esplika uluk ba uma nain sira atu fase liman ho sabaun no mos tenki halo distasia sosial” Tenik Domingos
Tuir Informsaun nebe RCCT Asesu husi CVTL Covalima katak depois de Remata taka Pamfletu no halo desimasaun informasaun kona Asaun Prevensaun Covid-19 iha Suco Matai, CVTL mos sei kontinua Aktividades ne’e iha Suco Sira seluk nebe lokaliza iha Capital Municipio Covalima to’o Fulan Dezembro Tinan ne’e.
Jornalista : Aje Fereira
Editor : Chamot Nahac
