Covalima (RCCT) 06-12-21, Servisu Saude Munisipiu Covalima ho Programa HIV SIDA fo Formasaun ba Funsionario no Volontariu sira iha Cruz Vermelha Timor Leste (CVTL) filial Covalima konaba Prevensaun moras HIV SIDA.
Xefe Programa HIV SIDA João Ramalho hateten Durante ambitu komemorasaun loron Mundial HIV SIDA iha Timor-Leste ne’ebé monu iha dia 01 Dezembru liuba maka CVTL nafatin kontinua fahe informasaun hodi prevene HIV SIDA.
“Tamba ita ohin loron halo seminario iha CVTL Covalima Tamba iha ambitu Serimonia loron mundial HIV SIDA iha loron 1 fulan dezembro tinan ne’e iha timor-leste tan ne’e ita iha Munisipiu Covalima hodi prense atividade ohin loron hodi fahe konaba moras HIV SIDA ba iha kolega volontario no funsionario sira iha CVTL FILIAL Covalima atu nune sira mos bele habelar no fahe informasaun ba iha juventude, comunidade no familia”Hateten Joao Ramalho.
Iha Fatin Hanesan Koordenador CVTL Domingos Gavrila Amaral dehan realiza Seminariu iha Ambito komemorasaun loron Mundial HIV SIDA iha CVTL Covalima ne’e Suporta husi Governu Timor Leste.
“Ita realiza seminario tan komemora loron HIV SIDA iha Munisipiu Covalima, tanba liga liu ba iha atividade Cruz Vermelha ninian lolos ne’e ita komemora loron HIV SIDA ne’e iha dia 1 de Dezembro tanba ita preokupa ho atividade balu entaun ohin loron maka ita realiza ho ida ne’e ita la komemora eventu nebe boot maibe ita bolu deit orador husi Servisu Saude Munisipiu Covalima” Dehan Domingos Gavrila Amaral.
Entretantu Komemora Loron HIV SIDA ne’e Realiza iha Salaun CVTL Filial Covalima.
Jornalista : Ansa Nunes/J.Correia
Editor : Chamot Nahac
