Covalima (RCCT) Sesta Feira ne’e 28-05-21, Cruz Vermelha Timor Leste (CVTL) Filial Covalima halo vijita Kanalizasaun Bee mos ba Komunidade Sira iha Aldeia Tudulpo Suco Beco Postu Suai nebe atinje ona Pursento atus ida (100%),
iha vizita ne’e Cordenador CVTL Filial Covalima Domingos Gafriela Amaral husu ba Xefe Aldeia sira nebe maka seidauk asessu ba be’e mos atu halo Proposta ba CVTL Covalima, nune’e bele orienta Ekipa tenknika tun direta ba terrenu hodi Halo Survei.
“Husu Xefe Aldeia no Xefe Suco Sira nebe maka, karik iha Sira Nia Aldeia seidauk assesu ba bee mos, bele halo proposta ba CVTL, atu nune’e bele orienta ekipa Sira tun direta hodi halo survei, atu nune’e bele hatene didi’ak ema Sira ne’e presija duni bee ka Lae” Dehan Cordenador CVTL Covalima.
Enkuanto iha Municipio Covalima CVTL halo ona Kanalizasaun Bee mos iha Suco Suai Loro, Fohorem, Beiseuk inklui Aldeia Hatu no Aldeia Lela inklui Aldeia Tudulpo.
” Antes ne’e mos Ita halo Kanalizasaun Be’e no Be’e posu iha Suai Loro, Fohorem, Beiseuk, nomos iha Aldeia Hatu no Lela, Inklui iha Tudulpo, karik situasaun ne’e normal karik Ita kontinua ba Halik” Dehan Domingos
Jornalista :Tynho Gusmao
Editor :Chamot Nahac
