CSEP-FJM avalia progreso no dezafiu iha setor Edukasaun durante Pandemia Covid-19 iha Covalima

Covalima (RCCT) 14-09-21, Civil Society Education partnership (CSEP) hamutuk ho Forum Juventude marjinalizadu (FJM) realiza seminario hodi halo avaliasaun progreso no dezafiu setor Edukasaun durante pandemia Covid-19.

Ba Jornalista sira Programa Officer Civil Society Educatiin Partnership (CSEP) Moises Charles iha intervista hateten, objektivu ba Seminario ne’e, oinsa ho Estudante sira nia hare durante situasaun Pandemia Covid-19.

“Realiza seminario ida ne’e, tamba ita hakarak rona espektativa husi ita nia Estudante, no Juven sira nia hare situasaun Pandemia Covid-19 ne’e, oinsa ho ita nia sistema Ekudasaun no aprendisazen ne’e la’o diak ka lae” Katak Moises

Moises Chasles mos afirma, Eskola ba uma nafatin fo vitima ba Estudante sira nebe inan aman la iha kbi’it.

“Ita iha Dezafiu bo’ot ba iha Edukasaun, tamba durante iha situasaun pandemia Covid-19 ne’e Estudante sira ladun aprende ho di’ak, depois sira Eskola iha ne’e, ne’e mos nafatin vitima tamba dala ruma redi internet ladun di’ak no mos inan aman la iha kbi’it atu sosa telefoni Andorid” Nia dehan

Tanba ne’e Moises Charles rekomenda ba Miniterio Edukasaun Juventude no Desportu (MEJD) wainhira Remata Konfinamentu Obrigatorio no Serka Sanitario bele reativa fila fali ensino aprendizasen iha Eskola hanesan baibain.

“Ha’u nafatin rekomenda ba Ministerio Edukasaun Juventude no Desporto (MEJD) karik Konfinamentu Obrigatorio ba Serka Sanitaria ne’e remata ona entaun Aprendisazen Eskolar bele la’o fila fali hanesan baibain” Charles Afirma

Entertantu partisipa iha Seminario ne’e, Administrador Municipio Covalima, Diretur Edukasaun Minicipoi Covalima, Diretur SEFOPE, Kordenador CJC, no Serimonia ne’e hala’o iha Salaun Administrasaun Municipio Covalima.

Jornalista : Aje Ferreira

Editor      : Chamot Nahac