Covalima (RCCT) 19-07-21 Relasiona ho Comandante PNTL Municipio Covalima Super-Intendente Antonio Maria de Sa nia deklarasaun nebe fo sai iha Media iha Loron Sexta Feira (16-07-2021) katak Polisia sei la autoriza ba organizasaun CPD-RDTL/FRETILIN-MOVIMENTO ka UNIZMA ATIVISTA PRO-RDTL atu hasa’e Bandeira iha Municipio Covalima nia laran.
Portavos Rosalino Cardoso ho Kodigu “Lakon Susar” hateten hafoin desizaun final tranzitu em julgadu kona ba absolvesaun total ba akuzasaun tomak hasoru CPD-RDTL UNIZMA ATIVISTA PRO-RDTL ho nia membru sira iha Tribunal Covalima iha Loron 14-06-2021, tanba ne’e Portavos ne’e husu ba PNTL Covalima ho Nasionalismo atu kopera ho Tribunal hodi hakruk ba desizaun hodi la impede programa CPD-RDTL FRETILIN MOVIMENTO UNIZMA ATIVISTA PRO-RDTL.
“Hafoin desizaun final tranzitu em julgadu konaba absolvisaun total ba akuzasaun tomak hasoru CPD-RDTL UNIJMA ATIVISTA PRO-RDTL ho nia membrus sira iha Tribunal Suai iha loron 14-06-2021, Comandante PNTL sira nia servisu maka fo seguransa ba Povu nune’e ema labele ultrapassa ilegal iha Fronteira, atu kopera ne’e bele lao ho diak, ami husu ba Polisia sira nia Nasionalismo diak liu hamutuk kopera ho Tribunal hodi hakruk ba nia desizaun hodi la impede programa CPD-RDTL UNIJMA ATIVISTA PRO-RDTL nian ” Dehan Porta Voz Unizma Pro RDTL Covalima Rosalino Cardoso ho Kodigu “Lakon Susar” durante Konfrensia Imprensa nebe hala’o iha Sukaer Laran Aldeia Tabakolot, Suco Debos, Postu Administrativu Suai.
Portavos ne’e informa, programa CPD-RDTL atu tulun Governo hodi halibur Komandante no Vetranus iha fatin historikus hodi buka solusaun problema nebe sira hasoru durante tinan 18, nia hatutan hasae seguransa alimentar ba Povu, no hametin RDTL nia Soberania ai-han.
“Hamutuk ho Governo atu halo los funu naruk, halibur fali Komandante no Veteranus iha fatin hisorikus ne hodi buka solusaun ida justu ba Veteranus nia problema arastadu durante Tinan 18, halo mobilizasaun konaba produsaun agrikola, hodi hasae seguansa alimentar, no hametin RDTL nia soberania ai-han husi rai liur, ho aspetu selu-seluk nebe ligadu ho prosessu todan nebe CPD-RDTL ho UNIJMA ATIVISTA PRO-RDTL lori iha iha sira nia kabas letem ” Portavos hakotu.
Engkuantu liga ho Noticias ne’e Jornalista seidauk halo Konfirmasaun ho Comandante PNTL Municipio, tanba sei hala’o ninia K’nar iha Nasional.
Jornalista : Tynho Gusmao
Editor : Chamot Nahac
