Covalima (RCCT) Impaktu husi pandemia Covid-19 hamosu saseni ba Autoridade Inspesaun Fiskalizasaun Atividade Ekonomia Sanitária Alimentar (AIFAESA), lahalo inspesaun iha loja sira nebe faan iha merkadu Suai.
Tanba ne’e Xefe Sesaun Setor Primaria iha (AIFAESA), Armindo Gonsalves, hatete Tuir planu Semana ne’e AIFAESA Sei halo Inspesaun ba Loja sira iha Postu 3 iha Covalima.
“Tuir planu ne’ebe estabelese ona ekipa AIFAESA iha semana ida ne’e mai halo inspesaun iha Covalima kobre ba postu tolu ( Postu Administrativu Zumalai, Tilomar no Suai) tanba durante tinan ida mak lahala’o inspesaun tanba impaktu hosi Covid-19,” informa Xefe Seksaun Setor Primaria, Autoridade Inspesaun Fiskalizasaun Atividade Ekonomia Sanitária Alimentar (AIFAESA), Armindo Gonsalves, ba jornalista sira hafoin hala’o inspesaun ba Merkado Suai, Sabado (20/11).
Nia afirma inspesaun ne’e atu halo kontrolu atividade ekonomi ne’ebe realiza iha teritoriu liliu iha Municipio Covalima tanba kuaze tinan ida resin AIFAESA sei dauk halo inspesaun iha Municipio Covalima.
“ Loloos ne’e hala’o inspesaun iha tinan anterior maibe tanba Covid-19, ba semana ida ne’e ekipa AIFAESA foin hala’o atividade kobre estabelese komersial sira ne’ebe mak loke atividade ekonomia iha Municipio ida ne’e hodi hare produtu sira ho nia kondisaun ezemplu balu keta liu ona prazu,maibe sei kintinua fa’an nafatin, sasan balu hetan ona estragus nomos hare kona ba legalidade hosi atividade ekonomia sira, hare lisensa komersial inklui hare mos ba fatin estabelesementu industrial sira no kondisaun hijenia,” Hakotu nia.
Etretantu Semana ne’e AIFAESA sei Hala’o Atividade inspesaun iha Postu Administravu Zumalai, Suai no Postu Administrativu Tilomar.
Jornalista :Aje Fereira
Editor : Chamot Nahac
