Covalima ( RCCT ) 04-11-21, Relasiona ho Statmentu nebe Antonio Ai Tahan Matak fo sai liu husi Sosial Media iha loron 30 Fulan Outobro tinan ne’e katak Saudozo Fernado Lasama de Araujo no Saudozu Dom Basilio do Nascimento”Amo Bispo Diosese Baucau, Mate tanba ema Covalima Fekit hodi Ai moruk At (Virus Pakit) Tuir Versaun Antonio Aitahan Matan Nian.
Ho Statmentu ne’e, Autoridade, Veteranus no Akademista ho Povu Covalima Lamenta Antonio Ai Tahan Matak nia nia lia Fuan nebe fo sai ba Publiku ne’e, ho nune’e, Sekretario Koncello Kombatentes da Libertasaun Nasional Municipio Covalima Osorio Soares Mausoco husu ba Antonio Aitahan Matak Atu Sukat no hanoin Uluk molok Fo Sai Lia Fuan ruma ba Publiku.
“Uluk Sr. Fernando La Sama mai iha Covalima mate dehan ami mak oho no agora Amu Bispo Dom Bazilio do Nassimento mate dehan ami Covalima mak oho, maibe ha’u husu Antonio Ai Tahan Matak hatene husi nebe mak dun Ami Covalima mak Oho ami nia nai ulun sira ne’e, Antonio Ai Tahan Matak bainhira atu publika Statmentu tenke hanoin no sukat didiak lai mak bele publika, se Antonio Ai Tahan Matak Hatene ema Covalima mak oho nusa ita bo’ot la koi kaptura ema nebe mak oho ita nia nai ulun sira ne’e” Sec. CCLN Municipio Covalima Osorio Soares “Mausoco”
Sekretario Konsellu Kombatentes da Libertasaun Nasional Munisipio Covalima ne’e husu ba Ministerio Publiku no Ministerio dos Asuntos Kombatentes Nasional no Prezindete Konsellu Veteranus Nasional atu halo investigasaun ba Antonio Aitahan Matak nia Statmentu nebe mak Publika iha Media Sosial (Facebook) ne’e.
“Ami Povu Covalima, Veteranus Covalima no Autoridade Covalima senti tristi ho statmentu nebe mak fo sai iha Publiku katak ema Covalima mak Oho Saudozo Fernando La Sama ho Amu Bispo Dom Bazilio, Antonio Ai Tahan Matak uluk subar iha ha’u nia Uma iha Asu Maten Suai Covalima nusa mak ami la bele oho ita bo’ot, depois agora ita bo’ot dehan ami Covalima mak oho fali Sr. Fernando La Sama no Amu Bispo Dom Bazilio do Nassimento, tanba ne’e, Ami Veteranus, Autoridade, no Akademista hamutuk ho Povu Covalima husu Ministerio Publiku ( MP ) no Ministeriu Konsello Kombatentes Nasional, tenke investiga nia hodi hatan ba nia lia fuan nebe mak nia publika iha Media Sosial” Tenik Mausoco
Akademista Covalima Oan Silvestre Ferreira husu ba Antonio Ai Tahan Matak atu toma responsavelidade ba Nia hahalok ka lia fuan nebe mak Publika iha Media Sosial.
“Antoni Ai Tahan Matak ne’e nia hanoin Infantil liu, nia la bele tuir nia hakarak hodi hateten ema Covalima mak hanoin at hodi oho fali Saudozo Fernando Lasama ho Amu Bispo Dom Bazilio do Nassimento, Antonio Ai Tahan Matak la’os Medico ida atu detekta Saudozo na’in rua ne’e mate tamba saida, kauza husi ema mak halo ka kauza husi moras ruma mak sira infrenta hela, tanba ne’e ami nudar akademista, husu ba Antonio Ai tahan matak tenke toma responsavelidade ba ninia hahalok, husu deskulpa ba Ema Covalima no mos halo statmentu ida ba publiku katak nia lia fuan ne’e la merese atu hasai ba ema Covalima oan” dehan Akademista Silvester Ferreira ba Jornaslita sira.
Engkuantu Administrador Municipio Covalima(AMC) Francisco de Andrade kondena Antonio Ai Tahan Matak tanba lia fuan nebe nia publika iha Media Sosial ne’e la merese atu fo ba ema Covalima.
“ Ha’u kondena makas Antonio Ai Tahan matak ne’e, dehan ema Covalima mak fekit ka fo AI moruk A’at ba Amu Bispo, Nia nudar ema Timor Oan, nudar ema Veteranu ne’e la bele kondena ema Covalima, tanba tuir esplikasaun husi Doutor espesialista sira katak Amu Bispo Dom Bazilio ataka ho moras fuan, detekta husi aparelhu makina Saude nian, la’os ema Covalima mak Fekit ho Ai moruk A’at, Tanba ne’e nudar Aman ba ema Covalima kondena Antonio Ai Tahan Matak, Nia Nudar Veteranus ida maibe Veneranu la hatene an, nia ko’alia hanesan ema feto mak ko’alia iha dapur laran, Antonio Ai tahan Matak kanta Arbiru deit hanesan feto sira kanta iha dapur laran, ida ne’e mak ita la gosta” Administrador Munispio Covalima Francisco de Andrade Dehan iha nia Knar fatin Kuinta Feira Ohin (04/11)
Entertanto Akademista Covalima Oan Silvester Ferreira husi Ba Antonio Ai Tahan matak tenki deklara ba Publiku hodi Husi Deskulpa Covalima, tanba lia fuan nebe Fo sai iha Media Sosial iha dia 30 de Outobru ne’e lamerese atu hasai ba ema Covalima nia oan sira.
Jornalista : Saturnino Soares
Editor : Chamot Nahac
