Covalima ( RCCT )14-06-21, Servisu Saude Municipal ho Autoridade Municpio Covalima halo lansamentu faze segundu ba Vasina AstraZanekas doses rihun hitu (7000) ba ema nebe servisu linha frente ho ema nebe mak idade to’o ona neen nulu (60) resin ba leten.
Iha lansamentu vasina AstraZanekas ne’e Diretur Servisu Saude Municipio Covalima Filipe Pereira Lemos iha nia diskursu hateten Vasina AstraZanekas faze segundu ne’e, servisu Saude husi Nasional haruka mai iha sexta feira (11-06) foin lalais.
“Vasina AstraZanekas ne’e husi Nasional haruka mai iha Municipio Covalima hamutuk rihun hitu ( 7000 ) doses iha sexta feira (11- 06) foin lalais, tanba ne’e ohin ita halo lansamentu, hodi sona ba ema nebe mak servisu iha linha frete no tuir mai ita sei halo vasinasaun ba ema nebe mak to’o ona idade 60 ba leten ” Informa Diretor servisu Saude Municipio Covalima Filipe Pereira Lemos.
Diretur ne’e Fundamenta Iha nia diskursu hodi husu PNTL atu bele fo apoiu fo ba Professionais Saude sira nebe mak hala’o servisu vasina Aimoruk Covid-19 AstraZeneka iha Baze nune’e bele alkansa objetivu hodi hamenus moras Covid -19 .
“ Iha oportunidade ne’e Ha’u husu ba autoridade Municipio sira no liu – liu ba parte seguransa PNTL sira atu fo apoiu ba professional Saude sira bainhira professional sira hala’o sira nia kanar no halo Vasinasaun iha baze, atu ita servisu hamutuk hodi alkansa ita hotu nia objetivu hodi hamenus moras Covid – 19 iha Municipio Covalima” Tenik Diretor servisu Saude Municipio Covalima Filipe Pereira Lemos
Entertanto iha lansamentu ba Vasinas AstraZanekas faze daruak ne’e hamotuk ema nain 36 Vasina nebe Inklui mos Autoridade Municipal hanesan Administrador Municipio Covalima, Komandante PNTL , Diretor Saude Municipio no funsionario Saude sira.
Jornalista : Saturnino Soares
Editor : Chamot Nahac
