Covalima : KVMC Verifika Ona Dadus Veteranus 1.600 Resin

Covalima (RCCT) 09-09-21, Konsellu Veteranus Munisipiu Covalima (KVMC) verifika ona Dadus hamutuk 1.600 resin husi Total Kandidatus Veteranus  dadus ba Tinan 2009 nian iha Munisipiu Covalima hamutuk 9.600 resin,

Kuarta-Feira horiseik (08/09) ba Jornalísta RCCT Reprezentante Veteranus Munisipiu Covalima ba Nasional hanesan mos Xefe Ekipa Verifikasaun Dadus 2009, Francisco Doutel Sarmento “La Mesak” hateten durante ne’e Ekipa verifika ona dadus Veteranus Iha Sukco Dato-Tolu, Laktos no Dato-Rua, Postu Administrativu Fohorem inklui Postu Tilomar iha Suco Beiseuk no Lalawa.

“Total iha Dato-Tolu ema atus rua (200) resin maka momentu ami halo verifikasaun, i mai fali iha Laktos kuaze ema atus rua(200) resin, ba fali Dato Rua mos atus rua  (200)resin, i iha Fohorem maka atus tolu  (300) resin, sira ne’e maka hotu, ne’e mak ami mai fali Postu Tilomar, ne’e maka iha Suco Beiseuk atus rua Hitu nulu resin Hitu maka hotu ona (277) agora ami mai fali Lalawa ne’e maka ema atus tolu-tolu nulu resin Lima (335) ami fo ona juramentu no aban maka intervista kandidatus sira ne’e” La Mesak dehan (08/09).

La Mesak Informa tuir orariu verifikasaun dadus Veteranus Iha Munisipiu Covalima sei remata iha tinan 2022 Fulan Abril.

” Tuir orariu nebe iha, Munisipiu Covalima verifikasaun dadus Veteranus ne’e sei remata iha Fulan Abril Tinan 2022, nebe iha Postu Tilomar ne’e hotu ami sei ba Liu Zumalain, Lepo, Zulo,Lour, Fatuletu,Usekai ho Mape depois Raimea ho ikus liu iha Tashilin “ La Mesak Explika.

Engkuantu dadaun ne’e iha Postu Tilomar, Suco Beiseuk remata ona halo verifikasaun no iha Suco Lalawa sei iha prosessu nia laran, hafoin remata iha Suco Lalawa, Ekipa sei kontinua halo verifikasaun iha Suco Kasabauk no Maudemu.

La Mesak hateten, iha prosessu Verifikasaun Dadus, Ekipa Verifikador kumpri Giaun(Regras) nebe simu husi Ministériu para os Asuntus Kombatentes Libertasaun Nasional (MAKLN) no sei la viola guiaun nebe iha.

Jornalísta                   : Tynho Gusmão

Editor                          : Chamot Nahac