Covalima – Komemora 20 Maiu 2022-KO Gasta Osan $ 12,739.00

Covalima (RCCT) 17-05-22–Prezidente Komisaun Organizadora Francisco de Jesus Alves informa, selebra loron Independensia 20 Maiu ba Dala XX, Tinan ne’e, Adminisatrsaun Munisipiu Covalima preve orsamentu $ 12,739.00.

Sekretariu Munisipiu Covalima hanesan mos Prezidenti Komisaun Organizadora (KO) iha eventu ne’e haklaken, orsamentu ne’ebé Administrador Munisipiu Covalima aprova, atu aloka ba kada seksaun sira ne’ebé mak KO forma ona liu husi enkontru.

Autoridade preve orsamentu $ 12,739.00. ne’e atu realiza atividade iha Suai, la inklui aloka orsamentu ba Postu Administrativu sira, kada tinan ita aloka hanesan baibain, ne’ebé kada Postu Administrativu preve $ 750.00”, Francisco de Jesus Alves, halore ba RCCT iha nia kna’ar fatin Segunda Feira (16/06)

Montante osan ne’ebé Administrador Munisipiu Covalima, Francisco de Andrade aprova atu KO ba Eventu Komemorasaun 20 Maiu 2022 ne’e hamutuk $ 12,739.00 atu aloka ba seksaun 15 ne’ebé KO Forma ona, maibe la inklui orsamentu ne’ebé aloka ba kada Postu Administrativu 7 ne’ebé lokaliza iha iha Munisipiu Covalima, Osan ne’ebé aloka ba kada Postu hamotuk $ 750.00 atu hodi Komemora loron Independensia ho komunidade sira iha kada PA

Ho nune’e ba ambitu Komemora Loron Nasional 20 Maiu 2022 ne’e, Komisaun Organizadora aloka osan ba seksaun sira hanesan, seksaun sekretariu komisaun organizadora preve $ 848.50, Isar Bandeira Nasional $ 1,704.50, parada no formatura $ 909.00, lojistika $ 387.00, Korru no Liturjia $ 429.00, limpeza $ 119.00, konsumu $ 1,040.00, Protokolu $ 203.50, kompetisaun Sertame Diskursu Publiku $952.50, Kurridade de Kavallu(halai taru kuda) $ 4,717.00, Dekorasaun $ 358.50, Seguransa Patrimoniu $ 24,50, Animasaun Kultura $ 924.00, Primeiru Sokoru $ 122.00, Maibe seksaun mobilizasaun masa la preve orsamentu.

Jornalista : Jhana Cardoso

Jornalista : Chamot Nahac