Covalima-Impaktu Uza Sistema Antigu-Komunidade Area Urbana Kontinua Susar Asesu Be Mos

Covalima (RCCT) 07-05-22, Populasaun iha Munisipiu Covalima ne’ebe hela iha area urbana maioria hetan ona Kanalizasaun Be Mos maibe kuntinua halerik tanba impaktu husi uza sistema antigu no mos BTL.EP uja Bomba ho kapasidade Ki’ik hodi fornese Be ba Komunidade sira ne’ebé hela iha area urbana.

Tuir Kordenador Be Mos Timor Leste. EP (BTL.EP) Covalima Castro Dodi Ramos hatete Komunidade barak halerik ba be mos ne’e impaktu husi Bomba Foun ne’ebe kapasidade Ki’ik Liu bomba anterior ne’ebé avaria tan ne’e labele kobre tomak ba iha área urbana.

Komunidade Preokupa ba Be mos, ita Tenki simu, tanba ita depende deit ba tangki ida iha Sukabi Laran, uluk ita asesu ba be mos normal ituan tanba uza Bomba tuan, ne’e iha 17 litru por segundi(17 Liter/Detik) maibe Bomba tuan ne’e avaria ona entaun ami halo fali proposta ba maibe Bomba Sira ne’e fa’an iha Timor la iha ho Ida ne’e atu atende lalais komindade nia preokupasaun ami uza deit Bomba 3 ins” Informa Koordenador BTL.EP Covalima, Castro Dodi Ramos iha Aldeia Kampung Baru Sexta feira horsehik, iha Edifisiu BTL.EP Covalima.

Nia hatutan BTL.EP dadaun ne’e sei halo melloramentu ba sistema antigu sira ne’ebé nakonu ho tahu no fruzun nune’e hodi bele fornese Be ba area sira ne’ebé seidauk Asesu be mos durante ne’e.

“Konaba be ne’e la’os ema ida deit ita hotu hakdasak iha fatin hotu, tanba ne’e ami husi BTL .EP rasik sei fokus halo melloramentu ba iha sistema antigu sira ne’ebé mak nakonu ho tahu no fruzun hanesan iha Cendana 2 no seluk tan tanba durante ne’e sira la hetan be” tenik Nia.

Enkuantu Dodi Ramos hatutan iha aktividade melloramento sistema iha terenu ne’e hetan apoiou husi autoridade lokal no servisu bombeiros Covalima.

“Ami la iha fasilidades atu halo melloramentu hanesan kareta supa be no seluk nan maibe ami hetan mos apoiou husi Administrador no Bombeiros, Ami hamutuk fase kanu tanba iha terenu hatudu tahu Ten sulan Metin ona iha kanu Kuak, entaun ida ne’e mak sai problema bo’ot ba komunidade “ Koordenador BTL.EP Covalima, Castro Dodi Ramos, Hanahas.

Entretantu Tuir obsevasaun Jornalista sira iha terenu hatudu Kordenador BTL.EP Covalima Castro Dodi Ramos tun direta iha terenu humutuk ho komunidade hodi halo melloramentu ba kanu hirak ne’ebe kak fruzun no balu tahu taka metik kanu kuak.

Reportagens : Jhana Cardoso/Efigenia Nascimento

Editor: Chamot Nahac