Covalima-Hametin Kultura Orijinal SEAK Konvida Lia Sira Transmiti Istoria

Covalima (RCCT) 28-12-21, Atu Transmiti Istoria Orijinalidade ba Jerasaun foun sira, Ministeriu Ensinu Superior Siénsia no Kultura (MESSK) Liu husi Sekretariu Estadu Arte no Kultura (SEAK) realiza Kompaña Nasional ho Tema Kultura Forte Nasaun Metin iha Munisipiu Covalima ne’ebé konvida Lia Nain sira husi Postu Administrativu Hitu no Estudante sira iha Munisipiu Covalima

Ko’alia ba Jornalista RCCT iha Salaun Uma Feto Covalima Tersa Feira ne’e, Diretór Nasional Diresaun Promosaun Artis, Felis Ximenes hatete, Atividade kampaña Nasional ne’e realiza atu Transmiti Istoria nune’e Jerasaun foun labele haluha Kultura.

Ita konvida ita Nia Lia Na’in Sira ne’e kada Postu Administrativu 7 ne’ebé pretense ba iha Covalima ita atu transmiti konaba istoria kada Postu ida-idak ninian, Ita Ko’alia konaba Etnilinguistika tanba iha Postu Administrativu balun Tetun terik, Kemak, Bunak ou Mambae, Lia Na’in Sira husi Postu ida-idak bele transmiti sobre informasaun, tanba iha ne’e ita hare ba Juven sira agora ne’e hatene deit iha ne’e ami nia Istoria, dehan ami iha Lian Ida ne’e, Lian mambae, Terik, maibe sira lahatene katak Nia hun ne’e husi ne’ebé, entaun ita persija matenek na’in tradisional mai transmiti ba jerasaun foun Sira atu nune’e sira bele hatene katak istoria lolos ne’e hanesan atu nune’e ema seluk labele mai konta maibe sira rasik hatene oh istoria lolos ne’e hanesan ne’e” Katak Diretór Nasional Promosaun Artis, Felis Ximines.

Diretor ne Afirma Aktividade Kampana Nasional ne’e hanesan Planu Anual ne’ebe sempre realiza kada tinan iha Munisipiu hotu inklui RAEO Oecusse,

Atividade ida ne’e kada Tinan ita sempre halo, kuaze Munisipiu hotu hotu, Tinan ida ita hala’o uluk iha Liquisa no ita mai iha ne’e, no tinan Oin Ita Sei halo iha rejiaun espesial Oecusse, atu nune’e bele hafanun Juven Sira para atu hatene konaba Ita Nia kultural Sira ne’e, tanba situasaun ida Agora iha influensa oioin ne’ebé mak mai atu influensia itu Nia kultura, entaun oinsa mak ita atu dezenvolve no promo ita Nia kultural Sira Ida uluk ne’ebé ita nia Bei Ala sira rai hela mai ita ne’e Tenik nia.

Entretantu Diretor Nasional Felis Ximenes mos husu ba jersaun foun hanesan kontinuador atu tau inatensaun hodi dezenvolve kultura orijinal sai Identidade Nasional.

Jornalista : Estajiadu GFD iha RCCT Silfia Amaral

Editor : Chamot Nahac