Covalima-Governu Lansa Distribuisaun Sesta Bazika (SB) faze daruak iha Suku Zulo

Covalima(RCCT) 05-08-22—Governu liu husi Sekretariu Estadu Koperativa Elizário Ferreira hamutuk ho Autoridade Covalima lansa distribuisaun Sesta Bazika (SB) faze daruak, iha Suku Zulo, Postu Administrativu Zumalai, Munisipiu Covalima.

Sekretariu Estadu Koperativa, Elizário Ferreira, dehan Governu distribiui SB ba Populasaun hotu ne’ebé rejista iha baze dadus maibe ba sira ne’ebé ho sira nia salariu mensal 500 sei labele hetan hodi fo oportunidade ba populasaun sira seluk.

VIII Governu Konstitusional lansa no distribui SB faze daruak ba Komunidade sira ne’e atu estimulu ekonomia no motiva populasaun sira kontinua mantein halo to’os no halai natar hodi hasa’e produsaun iha rai-laran. Sekretariu Estadu Koperativa, Elizário Ferreira katak lia ne’e ba Jornalista hafoin halo lansamentu distribui SB iha Suku Zulo, Postu Zumalai, Sexta Feira Ohin.

Partisipa iha Lansamentu Distribuisaun SB ne’e, Administradór Munisipiu Covalima Francisco de Andrade agradese ba Governu dawalu ne’ebé implementa programa SB ba faze daruak tanba konsidera Governu hatene situasaun ne’ebé Povu sira infrenta iha baze.

Ha’u hato’o agradese ba ita nia governu bainhira fo prioridade hodi implementa politika SB ne’ebé halo distribuisaun ba faze daruak ona, liu husi distribuisaun SB fo mos motivasaun ba povu sira atu halai natar no halo to’os” Katak Administrador Munisipiu Covalima.

Aleinde autoridade ne’e hato’o agradese ba governu , nia mós apresia ba kompañia aitula distribui Cesta bázika fó satisfasaun ba komunidade sira tanba ne’e ba oin kompañia tenke mantein nafatin.

Diretór kompañia Aitula Sivero Ferreira Maubere reforsa kompañia ho governu halo ona distribuisaun SB ba populasaun sira, iha suku Zulo, Postu Zumalai hamutuk 15.161, no sasan neebe Distribui ba Komunidade sira maioria mai husi Produtu Lokal

Kompañia Aitula distribui cesta bázika ba populasaun ho Item sira hanesan, foos mutin kilograma 6, foos meas kilograma ida, fore rai, Mina nu virgen, masi midar, kafe uut, masin, sabaun deterjen, husi item sira ne’e protudu lokál 81% no produtu importadu 19%.” Informa Diretór Aitula.

Entretantu molok kompaña atu distibui SB ba Komunidade sira, kompañia halo ona preparasaun ba benefisiariu 15.161, halibur karau ne’ebé husi Postu Zumalai rasik oho hodi distribui na’an fresku ba benefisiariu sira.

Notisia Relevantehttps://www.rcct.tl/governu-implementa-sb-rekopera-ekonomia-no-motiva-agrikultur-badinas-halo-toos/

Reportazen : RCCT