Covalima (RCCT) 22-11-21, Komisaun organizadora (KO) liu hosi seksaun feira no bazar kalan seidauk halo abertura ba feira no bazar kalan Tanba hetan intervensaun hosi inspetor Jeral do jogo.
Ba Jornalista Sira Xefe Seksaun Feira no Bazar Kalan ba Komemorasaun 28 de Novembru Damião Amaral dehan Lolos ne’e hala’o Abertura ona Feira no Bazar Kalan hodi Komemora 28 de Novembru ba 46 iha Covalima, maibe hetan Intervensaun husi Inspesaun Jeral do Jogu.
Notisia Relevante :https://www.rcct.tl/povu-covalima-husu-mtci-loke-jogu-bg-iha-feira-no-bazar-kalan-durante-ambito-komemorasaun-28-de-novembru/
“Lo los ita hahu halo ona abertura ba feira no bazar kalan, tanba atu halo abertura ita iha problema uit oan ho ema ne’ebè maka parsipa iha feira ne’e ,” Xefi Seksaun Feira no bazar kalan, Damião Amaral, informa ba Jornalista sira iha Administrasaun Municipio Covalima
Damião Fundamenta, inspesaun Jeral do jogo halo intervensaun iha feira ne’e tanba iha feira no bazar kalan loke mos ho bola Guling, Infelizmente Joga Bola Guling tenke hetan autorizaun hosi inspesaun do jogo.
“ita seiduak konsege abertura ba feira no bazar kalan, ita sei hein inspetor Jeral tun mai halo inspesaun no fó autorizasaun ba ba grupo sira ne’ebè loke jogo bola Guiling sira ne’e maka ita foin bele loke” Damião Halore
Nia Dehan Komisaun Organizadora haruka ona karta ba inspetor Jeral do jogo sei hein resposta hafoin bele hahu abertura ba feira no bazar kalan iha Kampo Ladi Suai.
Makse nune’e KO liu hosi seksaun feira no bazar kalan, regista ona grupu Kuaze 30, maibe seidsuk Mota sira nia Baraka no mos Bazeia ba planu feira no bazar kalan hahu abertura iha Sábado Semana (20-11) ne’ebè sei realiza durante loron 8, iha ambito komemora loron proklamasaun independensia Timor Leste ba 46. Maibe lá konsege tanba sei hein autorizasaun hosi inspetor Jeral do jogo ba Jogu BG Durante Feira ne’e La’o.
Jornalista : Saturnino Soares
Editor : Chamot Nahac
