Coliati “ Veteranu Rejiaun IV hato’o Sentidu Kondolensia ba Saudozo Sesurai

Foto: Jeneral Coliati Halo Intervensaun Molok Hatun Saudozu SESURAI ba nia Fatin Ikus nebe Lokaliza iha Saudozu nia Uma Oin iha Tabakolot, Suco Debos, Postu Suai.

Covalima ( RCCT ) 19-11-21, Wainhira hola parte iha Serimónia Funebre Saudozu Sesurai iha rezidensia Tabakolot, Suco Debos, Xefe Estadu Maior FALINTIL Forsa Defeza de Timor-Leste, Brigadeiru General Calisto Santos “COLIATI” reprezenta Veteranu Rejiaun IV Hato’o Sentidu Kondolensia ba Saudozu Sesurai no Korazen ba Familia Matebean.

Iha Menutu Ikus hamotuk ho Saudozu Sesurai nia Isin Mate, Brigadeiru Coliati reprezenta Veteranus Rejiaun IV Pertikulamente Unidade Fronteira Sul Memi Sentidu Kondolensia.

Em primeiro lugar ha’u hodi ha’u nia naran no familia nia naran hato’o sentidus condolensia ba Saudozo Alvaro do Nassimento, ne’ebé husik hela ita iha Mundu ida ne’e, no espesial liu ha’u lori maluk tomak Veterano no veterana sira husi Rejiaun IV no em particular ba unidade Fronteira Sul, ami nia Sentidus Condolensia ba ita nia Saudozo ne’ebe husik hela ita iha mundu ida ne’e ” Brigadeiru General F–FDTL Calisto Santos “Coliati”

Nia Salienta Saudozo Alvaro do Nassimento “ Sesurai ” iha nia vida tomak, moris sei Joven dedika a’an tomak luta ba prosesu Libertasaun ne’e hanesan ezemplu di’ak ba jerasaun foun sira ne’ebé tuir mai.

Ita nia Saudozo Alvaro do Nassimento “Sesurai” fo ezemplu ba jerasaun foun ne’ebé tuir mai, tanba domin ba rai no nia Povu iha Covalima nia entrga nia a’an tomak hodi luta ba ukun rasik a’an, Iha momentu ne’eba nia la hela ho nia familia, fatin ne’ebé mak saudozo Sesurai helik mak iha Igreja hamutuk ho Na’i Lulik sira deit, ne’e hanesan fatin abrigu ida ne’ebé seguru liu ba ema ativista no militantes sira ne’ebé dedika sira nia a’an ba prosesu Libertasaun, ita nia Saudozo nia luta ba rai ida ne’e hanesan mos memoria id aba ita ne’ebe mak sei moris hela hodi konta nia historia ” Tenik Brigadeiru General F – FDTL Calisto Santos Coliati.

Entretantu iha Serimonia Funebre ne’e Brigadeiru General F–FDTL Calisto Santos Coliati hateten luta na’in sira balu mak mate ona no barak mak sei moris tanba ne’e husu ba Jerasaun foun tenke unidade fo liman ba malu hodi nune’e bele dezemvolve di’ak liu Rai Doben Timor Leste.

Jornalista : Saturnino Soares
Editor.        : Chamot Nahac
.