Covalima (RCCT) 25-11-21, Comisaun Nasional Traballu Infantil (CNTI) hala’o Sosializasaun ba Autoridade no Komunidade sira iha Suco Lalawa Postu Administrativu Tilomar Konaba atu hapara Traballu Infantil ba labarik ho idade 18 Anos mai kraik.
Ba Jornalista RCCT, Prezidenti CNTI Anacito Leto iha hateten, objetivu ba Sosializasaun ne’e atu fahe informasaun liga liu ba eliminasaun traballu infatil atu nune’e komunidade sira bele iha intensaun no Konsensia ne’ebé di’ak.
“Objetivu ba sosializasaun ne’e atu fahe informasaun ba ita nia komunidade sira ita liga liu ba eliminasaun traballu infantil iha ita nia rai laran, atu nune’e ita hotu-hotu bele iha konsiensia ne’ebé hanesan atu ita atinzi objetivu ne’ebé ita hakarak” dehan Prezidenti Nasional Kontra Traballu Infantil Anacito Leto
Anacito Leto fundamenta sosializasaun konaba traballu infantil ne’e hala’o ona iha, Municipio Ermera, Aileu no Municipio sira seluk iha tinan 2020, no iha tinan 2021 Fulan Novembro komesa hala’o fali sosializasaun iha Municipio Covalima.
” Iha tinan 2021 ne’e ami foin mak halo sosializasaun iha Municipio Covalima, entaun ita halo atividade fim de ano ita iha ona hanoin hodi uja oportinidade ne’ebé dia’k ita komesa la’o dadaun ona, tanba iha fulan kotuk liu ba ita infrenta hela ba Pandemia Covid-19, maibe iha tinan 2020 ne’e ami hala’o ona sosializasaun ne’e iha Municipio Ermera, Aileu, iha Postu Administrativu Lekidoe Municipio Aileu no iha mos Municipio sira seluk” tenik Anacito Leto
Ho nune’e reprezentante partisipante iha Sosializasaun ne’e Alsina Monis apresia ho CNTI nebe fahe ona informasaun kona ba traballu infantil atu nune’e sira labele karega demais sira nia oan atu halo servisu ne’ebé todan.
Jornalista : Aje Ferreira
Editor : Chamot Nahac
