Covalima (RCCT) 23-11-21, Comissão Nasional de Eleições (CNE) Municipio Covalima Hala’o Edukasaun Sivika ba prizoneiru sira iha prizaun Suai nune’e bele Ezerse diretu ba Vota, hodi partisipa iha Eleisain prezidensial ne’ebé sei akontese iha Tinan oin (2022), Programa Edukasaun Sivika ne’e ho tema “Promove Esklaresementu konaba Aktu Eleitoral no Eleisaun ne’ebé Reziliente ho Covid-19”
Iha deskursu ba Sosializasaun iha Prizaun Suai ne’e Administrador Postu Administrativu Suai Luzino do Rego Governu Timor Leste liu husi CNE hatur ema hotu iha Diretu ne’ebé hanesan atu asesu ba Kolker Informasaun.
“Ha’u hanoin CNE nia programa ida ne’e katak Governu Timor-Leste tau ema hotu iha direitu nebe hanesan atu asesu ba informasaun saida deit tanba ne’e ho deziminasaun ida ohin CNE hakarak garante ema sira nebe mak iha prizaun iha direitu hanesan mos ho ema sira nebe mak iha liur” katak Administrador Postu Administrativu Suai Louzino do Rego
Iha Fatin hanesan Diretór CNE Municipio Covalima Hermenegildo de Sena hateten, CNE realiza programa Edukasaun Sivika ne’e hodi prepra ba Eleisaun Prezidensial nebe sei Akontese iha tinan 2022.
“CNE realiza programa ida ne’e hodi prepara ba Eleisaun prezidensial nian nebe ba tinan 2022 tanba ne’e CNE la diskrimina ema tantu feto ka mane, no kiik ka bot tanba ita bot sira iha prizao mos iha direitu atu tuir Eleisaun” dehan Diretur CNE Covalima Hermenegildo de Sena
Nune’e Total prizoneiru iha Prizaun Suai hamutuk 110, husi total ne’e, prizoneiru Kondenado hamutuk 71, Prizaun preventiva hamutuk 39, Guarda Prizonal hamutuk 39 feto na’in 4.
Entretantu husi Dadur sira iha Prizaun Suai ne’e mai husi Municipio 3, hanesan Ainaro Prizoneiru na’in 26, Bobonaro na’in 27, Manufahi Same na’in 22 no husi Municipio Covalima rasik Hamotuk Prizoneiru ema na’in 35
Jornalista : Aje Ferreira
Edito : Chamot Nahac
