Covalima (RCCT) 07-12-21, Centro Nasional Chega organiza aktividade haneran Chega Tour hamotuk ho estudante eskola Sekundaria sira husi Eskola Sekundaria Geral Publika (ESGP) Suai no Eskola Teknika Vokasional (ESTV) Claret Salele hodi vizita fatin Istoriku Rezistensia Nasional iha Municipio Covalima.
Ba Jornalista sira Diretór Ezekutivu Centro Nasional Chega Hugo Maria Fernandes hateten, iha tinan 2021 ne’e Centro Nasional Chega (CNC) deside loron komemorasaun Nasional Memoria 07-11-21, iha Covalima, hanesan maneira ida atu introdus memoria passadu partikularmente ba Jerasaun foun sira.
“Iha tinan 2021 ida ne’e Centro Nasional Chega (CNC) deside hodi halo Komemorasaun Loron Nasional Memoria ne’ebé maka monu iha 07-12-21, iha Municipio Covalima ne’e hanesan maneira ida atu introdus memoria passadu ba ita nia jerasaun foun sira, ita hotu hatene katak 07-12-1975 husi Nasaun Indonésia mai iha Timor-Leste, tanba Municipio barak mak seidauk hatene istoria passadu sira ne’e” dehan Diretór Ezekutivu CNC Hugo Maria Fernandes
Diretur Ezekutivu ne’e mos haktuir CNC kopera ho Autoridade Municipal ho Eskola sira iha Covalima deside hodi realiza aktividade ida ne’e iha Municipio Covalima.
“CNC kopera ho Autoridade Municipal ho Eskola sira iha Covalima deside hodi Selebra loron Komemorasaun 07-12-21, ida ne’e iha Municipio Covalima, horseik ita rona ona sasin sira ko’alia kona ba memoria passadu nian liu liu husi 1975 to’o 1999” katak Hugo Maria Fernandes
Diretór Hugo fundamenta, CNC fasilita Estudante sira hodi ba vizita fatin istoriku ne’ebé lokaliza iha Covalima.
“Ohin ita organiza, ita bolu dehan Chega Tour, partikularmente hodi fasilita Estudante sira husi Suai vila to’o salele ne’e hanesan dalan ida atu introduz memoria passadu sira ba Jerasaun foun sira, CNC realiza aktividade ida ne’e mos preokupasaun ida ne’e tanba ita nia memoria passadu sira ne’e ladun hanorin iha Eskola” Tenik nia
Entrerantu ba dadaun ne’e CNC kopera ona ho Ministerio Edukasaun Joventude no Desportu, elabora ona kurikulum rua hanesan sensias sosiais, Materia Hisroria no Direirus Humanus, CNC hato’o ona Ministerio Edukasaun Jovenrude no Despotu, tinan 2022 MEJD bele introduz istoria sira ne’e iha Kurikulum de Ensino
Jornalista : Aje Ferreira
Editor : Chamot Nahac
