CNC Liu husi Programa Hatutan Memoria hanorin estudante halo peskija no hakerek istoria inan aman nian

Letratu Hatudu Jornalista RCCT no Estagiadu GFD iha RCCT halo itervista ho official Senior Centru Nasional Chega (CNC) Matias dos Santos iha resintu ESGP Segunda 06/12; Foto Abete Estajiadu GFD iha RCCT.

Covalima (RCCT) 07-12-21, Centru Nasional Chega (CNC) realiza atividade transmisaun memoria interjerasional ba Estudante sira iha Escola Secudaria Geral Publica (ESGP) Suai, Aktividade ne’e hola parte iha Programa hatutan memoria nune’e CNC fo formasaun ba estudante sira atu hatene hakerek rasik inan aman ka familia sira istoria ka memoria luta nian.

Tuir official Senior Centru Nasional Chega (CNC) Matias dos Santos hateten atividade ne’e atu hahu ona eduka estudante sira hodi halo peskija ki’ik iha familia hodi preserva inan aman sira memoria ka Istoria.

Hanorin alin estudante sira iha ne’e atu halo peskija kiik ida iha familia sira para hatoman an halo peskija, Atividade ne’ebé halo ohin ne’e ami bolu mos hatutan memoria, ami fo formasun ba estudante sekundaria sira iha ne’e, oinsa mak sira bele ba hakerek rasik sira nia inan aman, familia sira istoria ka memoria luta, entaun ami mai fo formasaun ba sira oinsa mak halo koleksaun ba istoria no memoria inan aman sira nian nune’e aban no bainrua ita bele prezerva hela” Hateten official Senior CNC Matias dos Santos, hafoin remata formasaun ba estudante sekundaria sira iha salaun Escola Secundaria Geral Publica de Suai Segunda Feira (06/12).

Nune’e mos Matias dos Santos Afirma Objetivu husi Formasaun ne’e atu dignifika vitima no sorbrevivente sira nia luta iha tempo rejistensia durante tinan rua nuluh resin hat nia laran.

Atividade ida ne’e ami realiza ho nia objetivu seluk tan mak atu dignifika vitima no sobrevivente sira nia luta iha tempu rejistensia ba ukun rasik an iha prosesu luta durante tinan 24 nia laran, entaun formasaun ida sei husu alin estudante sira atu hakerek inan aman sira nia memoria, lori ba ita prezerva no ita sei halo publikasaun, ne’e parte ida balansu husi istoria narativu ne’e para istoria lahatudu deit katak parte ida deit maka halo funu” Tenik Matias

Entretantu Tersa Feira ohin (07/12) CNC sei lansa Mezeum Municipal ida iha Covalima nebe Lokaliza iha Monumentu Masakre Setembru Negro ho Intensaun Muzeum ne’e atu Desentraliza Istoria sira liu liu istoria ema Covalima bele Rai iha Muzeum Municipal ne’e.

Jornalista : Sofia de Araujo/Febriana Bete Sanches

Editor : Chamot Nahac