Covalima (RCCT) 06-12-21, Centru Nasional Chega (CNC) hala’o formasaun ba Estudante sira iha Eskola Sekundaria Geral Publika (ESGP) Suai hodi desentraliza Istoria Rezistensia durante Tinan 24 nia laran.
Ba Jornalista sira Ofisial Senior ba formasaun CNC Matias do Santos hateten formasaun ne’e atu fasilita estudante Sekundaria Jeral kona ba Tranzmisaun Memoria Interjerasional nune’e hafoin remata Chega sei hala’o mos atividade ho estudante sira hodi vizita fatin sira ne’ebe konsidera iha istoria durante luta 24 anos nia laran.
“atividade ne’ebé ami halo iha Eskola Sekundaria Jeral Suai nian ne’e ami bolu transmisaun memoria interjerasional, iha Programa transmisaun memoria interjerasional ne’e ami sei halo atividade tolu ho Eskola ida ne’e, ida hanaran Chega tour, ida ne’e ami sei lori Eskola ida ka rua iha Covalima ne’e lori ba vijita fatin Istoria sira ne’ebé duránte tinan 24 ne’e konsidera hanesan Fatin Istóriku sira hanesan komarka, abrigu ruma karik tempu ne’eba ita nia luta nain sira uja” Dehan Ofisial Senior ba Formasaun CNC Matias do Santos.
Matias fundamenta ho formasaun ne’e atu estudante sira bele hatene hakerek istoria konaba luta ne’ebe sira familia rasik halo iha tempu Rezistensia, liu liu halo kolesaun ba istoria inan aman nian.
“Atividade ida ami hala’o iha dadersan ida ne’e, ida ami bolu mos Hatutan Memoria, ami fo formasaun ba Estudante Sekundaria iha ne’e, oinsa maka sira bele ba hakerek rasik sira Nia familia nia Istoria ka memoria luta, tanba ne’e maka Ami fo formasaun utoan ba Sira oinsa maka halo koleksaun ba Istoria Inan aman Sira nian nune’e Aban bainrua Ita bele prezerva Hela Inan aman Sira ne’e” Katak Matias do Santos
Nune’e Matias do Santos informa Centro Chega Nasional (CNC) sei lansa Museum Municipal iha Covalima hodi desentraliza istoria luta durante 24 Anos nia laran
” Ohin ho Aban Centru Nasional Chega (CNC) sei lansa Muzeum Municipal iha Municipio Covalima ho intensaun katak Muzeum ida ne’e sei desentraliza istoria sira liu-liu Istoria ema Covalima nian bele mai tau iha Muzeum nomos istoria seluk bele tau iha Muzeum ida ne’e para ita nia Jerasaun foun sira bele hatene sa maka akontese iha periodu luta duránte tinan 24 nia laran” Tenik Matias do Santos
Entretantu CNC fo formasaun kona ba istoria Rezistensia Nasional ba Estudante sira ne’e iha salaun Eskola Sekundaria Geral Publika Suai Municipio Covalima, hetan partisipa mos husi Xefi Gabineti Diretiva husi Eskola refere.
Jornalista : Aje Ferreira
Editor : Chamot Nahac
