Covalima ( RCCT ) 23-12-21, Centro Logistik Nasional (CLN) transporta Ai-han bazika mai Covalima atu distribui ba komunidade Vurnerabel sira iha Suco Tolu Nulu (30) Postu Administrativu hitu ( 7 ) iha Munisipiu Covalima nia laran. Ai-Han Bazika ne’ebé CLN distribui ba Komunidade sira iha Covalima ne’e hamotuk Item Neen (6) mak hanesan; Fos, Fore Munggu, Fore Rai, Fore Metan, no Batar.
Prezidenti Centro Logistik Nasional (CLN) Serbasio Cardoso de Jesus da Silva hateten, CLN ne’e sosa produtu lokal iha rai laran hodi fo apoiu fali ba komunidade Vulnerabel sira iha teritorio Timor laran.
“ Iha fulan hirak liu ba sosa duni produtu lokal, iha Item 5 ka 6, hanesan Fos lokal, Fore Munggu, Fore Rai, Fore Metan, no Batar iha hotu pakote nia laran Ai – Han sira mai tuir lei seguransa alimentar nian, atu fo ba ema sira ne’ebé mak la iha kibi’it ka ita bolu ema Vulnerabel sira ” Informa Prezidente CLN Serbasio Cardoso de Jesus da Silva
Prezidente CLN ne’e hatutan liu husi VIII Governu Konstitusional nia planu hare liu ba ema nia moris liu liu ba ema sira ne’ebé mak kibit laek
“ VIII Governu Konstitusional ne’e hare liu ba ema sira liu liu ba ema sira ne’ebé mak kbit laek ka ema Vulnerabel sira, ne’ebé Ai-Han bazika ne’e sei kontinua nafatin fahe ba ema kbit laek ka ema Vurnerabel sira, mai oin mos sei sosa nafatin produtu lokal hodi hamenus importasaun ” Tenik Prezidenti CLN Serbasio Cardoso de Jesus da Silva, Iha Kampu Ladi Quinta Feira (23/12)
Entretantu Prezidenti CLN total Informa orsamentu nebe utiliza hodi Sosa Ai-Han bazika ba ema Vurnerabel sira iha teritorio Timor Laran hamutuk Milaun Lima ( 5 ) resin.
Jornalista : Saturnino Soares
Editor : Chamot Nahac
