Covalima (RCCT) 03-12-21, STAE Municipio Covalima realiza Serimonia Intrega poder husi Diretór Sesante Claudio Cardoso ba Diretór Foun Francisco Gusmão ne’ebé eleitu hanesan Diretór STAE Municipio Covalima ho homologasaun resultadu por meritu
Iha nia diskursu Diretór Sesante Claudio Cardoso hateten hanesan Diretór sesante prontu servi no sei apoiu nafatin hodi servisu hamutuk ho Diretór aktual iha kualker situasaun.
“Hanesan direktur sesante hau prontu atu servi no apoiu direktur aktual iha kualker situasaun iha ambitu servisu STAE nian hanesan orgaun Tekniku de Administrasaun Eleitoral” dehan Diretór sesante Claudio Cardoso iha edifisiu STAE Municipio Covalima
Claudio Cardoso mos hato’o lia menon ba Diretór aktual atu hare ba kotuk hodi hateke ba oin tanba iha esperiensia barak iha tempu pasadu ne’ebé liu ona.
“Hare ba kotuk hodi hateke ba oin iha esperiensia barak ne’ebé mak ita liu, todan ka kaman iha kanuruk ita hotu senti nu’udar orgaun eleitoral ne’ebé mak hamutuk hodi hala’o atividades rutina ka atividades Loron loron, atividades resensiamentu eleitoral no ambitu de eleisaun” tenik Claudio Cardoso
Iha fatin hanesan Francisco Gusmão ne’ebé foin asume kargu hanesan Diretór aktual STAE Municipio Covalima konsidera nia an hanesan ema ne’ebé kleur ona servisu iha STAE maibe sei foun ba kargu nebe Asumi nu’udar Diretór tanba ne’e sei Nakloke hodi servisu hamotuk ho Staff hotu liliu Diretór Sesante.
” Ha’u hakarak esklarese katak ema bele kleur servisu iha STAE no hala’o beibeik atividades rutinas maibe foun ba ha’u asumi kargu Diretór ho ida ne’e mak ha’u presiza apoiu masimu husi Diretór sesante ho funsionarios tomak ne’ebé hala’o atividade iha STAE Municipio para bele atinje susesu iha kualker atividade liu liu ba atividade iha periodu eleisaun nian” dhan Direktur aktual Francisco Gusmão
Entretantu Serimonia Intrega poder ne’e hala’o iha salaun STAE Municipio Covalima ne’ebé marka prezensa husi reprejentante Administrador Municipio covalima, Rep. Komandante PNTL, Diretór CNE Municipio Covalima, reprejentante Diretór Nasional STAE no funsionariu STAE Municipio Covalima.
Jornalista : Ade Gorete
Editor : Chamot Nahac
