Covalima (RCCT) 10-11-21, Comemora Loron Juventude Nasional, Centro Juventude Covalima (CJC) hamutuk ho ekipa Professional Saúde sira hala’o kampania vasinasaun tama sai uma iha Aldeia Kuluoan Suco Tashilin hodi aumenta numeru ba porsentu vasina iha Postu Administrativu Zumalai
Prezidente Komisaun Organizadora Agustinha Lopes hateten Joventude mak autor importante atu proteje Timor Leste husi COVID-19,Tanba ne’e CJC apoiu Pesoal profesional saúde hodi hala’o kampaña vasina covid-19 tama sai uma iha Zumalai.
“Agora ita nia postu administrativu Zumalai Porsentu tun tebes ne’ebé la asesu ba vasina, tanba ne’e mak ohin loron ami mai iha ne’e apoiu ita nia saúde sira halo kampania vasina no Dortudor sai tama uma,no husu inan aman no Joventude sira lalika tauk atu simu vasina no labele fiar imformasaun falsu ne’ebe fo sai husi média sosial sira,” Hateten Prezidente Komisaun Organizadora Agustinha Lopes.Tersa (09/11)
Iha sorin seluk Representante Administrador Postu Administrativu Zumalai Julião Magno simu vasina nune’e bele halo movimentu livre,no lá difikulta ba ita nia atividade urjente ruma wainhira halo viajen.
” Inan Aman sira,se ita bo’ot sira tenke vasina nune’e bele halo movimentu livre, hánesan ba Dili no ba merkadu iha Suai,se lae ita bot sira araska ati asesu ba merkadu no ba ne’ebe deit,se la iha kartaun kinur ne’e,no mós husu ba inan aman sira Governu la beik atu oho nia povu sira,tanba ne’e husu ita bo’ot sira labele tauk,” Katak Julião
Xefe Aldeia Kuluaon Agradese ba Pessoal Saúde nia programa kampaña ba Vasina tama sai uma ne’e.
” Agradese tebes ita bo’ot sira presença ohin loron,se ita bot sira la mai iha ne’e komunidade sira difisil tebes atu haka’at ba sentru Saúde hodi simu vasina,se lae ami avizu no hateten direta mos sira la fiar,” Hateten Nia iha Aldeia Kulu oan
Entertantu Aldeia Kulu Oan hamutuk Populasaun atus ne’en resin (601) mak hetan ona vasina Faze primeiru no Faze Segundu, atus ha’at ualu nulu resin ha’at (484) no seidauk simu vasina atus ida sanulu resin lima (115) no ohin aumenta lima nulu resin mak simu vasina.
Jonalista : Jana Cardoso
Editor : Chamot Nahac
