Covalima (RCCT) 06-12-21, Prezidenti Conselho de Imprensa (CI) Virgilio da Silva Guterres husu ba Jornalista sira ne’ebé servisu iha Municipio Covalima atu fo Solidariedade ba malu hodi halo advokasia ba Violensia Verbal ka Fisika ruma ne’ebé mak Jornalista Sira Hasoru.
Mensajen ne’e hato’o bainhira Conselho de Imprensa atribui kartaun identifikasaun Profissional ba Jornalista sira hamutuk 12 iha Municipio Covalima iha Edifisiu Radio Comunidade Cova Taroman nebe lokaliza iha Eis Rezidensia Administrador Covalima Domingu (05/12)
“Jornalista sira ne’ebé maka servisu iha Municipio ne’e tenke fo solidariedade ba malu, tantu RTTL,EP, Tatoli, Radio Cova Taroman, Tempo Timor nsst, karik servisu iha ne’e tenke fo solidariedade ba malu, ida nia problema sai hanesan ita hotu nia problema, dalaruma ida hasoru problema hanesan violensia verbal ka fisika Ita ho ita nia Autoridade Seguransa sira ita hotu-hotu tenke apoio malu hodi halo advokasia, labele husik jornalista ida infrenta ninia problema mesak” Prezidenti CI informa.
Iha Fatin ne’e Jestor Radio Comunidade Cova Taroman Sancho Alves Nahac Informa, durante ne’e Edifisiu Media Radio Comunidade Cova Taroman hanesan Sentru ida ba Jornalísta sira hotu atu halo servisu, nune’e Jornalísta sira iha Covalima iha Unidade ne’ebe Metin iha Kolker Asuntu.
” Unidu entre Jornalísta sira ne’ebé maka servisu hamutuk iha Municipio ne’e nafatin unidu, tanba sira kualker Asunto deit sempre la’o hamutuk, kestaun problema ruma ami sempre hamutuk liga ho mensajen Prezidenti CI nian ne’e, Ami sei husik malu wainhira iha Jornalista ida hasoru problema, depois hakarak dehan mos katak Radio Comunidade Cova-Taroman duránte ne’e hanesan sentru ida ba Jornalísta sira atu hala’o servisu hamutuk iha fatin ne’e” Katak Jestor RCCT Sancho Alves Nahac.
Enkuantu Jornalísta sira ne’ebé hala’o k’naar iha Municipio Covalima hamutuk 25, Kompostu husi RCCT ninia Jornalista Senior Hamotuk na’in 9 Voluntario Junior na’in 11, hamutuk ema na’in 20, Jornalista Destakada husi Tempo Timor na’in 1, Tatoli na’in 1, Business Timor na’in 1, RTTL,EP na’in 1.
Entretantu Jornalísta iha Radio Cova Taroman hamutuk 21 ne’e, na’in 9 maka hetan ona Karteira Professional Husi CI no Na’in 11 seidauk hetan tanba sei hala’o hela estudu iha Nivel Ensino Sekundaria.
Jornalísta : Tynho Gusmão
Editór : Chamot Nahac
