CI Husu ba Autoridade Sira atu kopera Di’ak ho Media Sira iha Covalima

Imajem ne’e hatudu Prezindete CI halo Sorumotu ho Autoridade sira iha Covalima Segunda Feira 06/12 nebe realiza iha salaun Inkontru Administrasaun Covalima

Covalima (RCCT) 06-12-21, Conselho de Imprensa sensiblizasaun informasaun ba Autoridade sira iha Covalima konaba lei no regulamentu ne’ebé relasiona Papel Conselho de Imprensa (CI) nian foku liu ba direitu resposta identifikasaun.

Iha intervista ho Jornalista sira Prezidenti Conselho de Imprensa Virgilio da Silva Guterres hateten Sorumotu ho Autoridade sira ne’e atu fahe informasaun hodi enkoraza autoridade sira iha Covalima hodi bele hatene utiliza sira nia direitu no resposta hasoru informasaun ka Nutisia nebe Media fo Sai la tuir Deklarasaun ne’ebé sira fo.

Ami Mai Covalima, Hasoru malu ho Autoridade sira iha ne’e, ami fahe informasaun konaba papel Conselho de Imprensa ninian liu liu atu enkoraza autoridade sira iha Municipio Covalima hodi utiliza direitu no resposta hasoru informasaun ka nutisia ruma ne’ebé fo sai la tuir sira nia deklarasaun tamba dala barak Autoridade sira sai fontes informasaun ita media sira barak halo komunikasaun husi Kapital Dili mak mai deit entaun dala ruma media sira sita sala ho ida ne’e mak ami ko’alia ho Autoridade sira iha Municipio Covalima atu hatene utiliza direitu ida ne’e” dehan Prezidenti CI Virgilio da Silva Guterres “Lamukan”.

Virgilio Lamukan Fundamenta iha Sorumutu ne’e mos CI Ko’alia ho Autoridade sira atu loke espasu ba Jornalista sira hodi hetan Informasaun

Buat ne’ebé mak ami ko’alia, Autoridade sira mak oinsa atu loke asesu ne’ebé sufisiente ba jornalista destakadu no jornalista sira ne’ebé mak servisu iha Municipio atu hetan informasaun tamba jornalista sira iha direitu tomak atu asesu informasaun, mos ami ko’alia konaba oinsa atu kapasita ou potensializa joven sira ne’ebé oras ne’e tuir formasaun Iha SECOMS atu responsabliza ba manutensaun ou produsaun informasaun iha Suco liu liu iha kuadru programa Naroman ba Suco ne’ebé mak husi SECOMS no MAPCOMS agora la’o dadauk entaun oinsa atu potensializa joven sira ne’e hodi bele fo sai informasaun konaba Suco, Posto no Municipio ninia informasaun ” Tenik Prezidente CI Virgilio da Silva Guterres.

Entertanto rerlasiona ho enkontro ne’e Prezidente conselho de Inprensa Virgilio da Silva Guterres husu Ba autoridade Munisipal, Posto no to’o suco no komunidade sira iha Covalima atu halo Koperasaun diak ho Jornalista sira atu nune’e komunidade sira nia prokupasaun ne’ebe mak sira hasoru bele publika iha media hodi nune’e Autoridade Nasional sir abele hatene komunidade sira nia preokusaun.

Jornalista : Saturnino Soares

Editor       : Chamot Nahac