Covalima (RCCT) 05-12-21, Conselho da Imprensa (CI) atribui Kartaun Idetifikasaun Professional ba Jornalísta hamutuk 12 Iha Municipio Covalima, kompostu husi Jornalísta Radio Comunidade Cova-Taroman (RCCT) na’in 9, Jornalista Destakadu Tempo Timor na’in 1, Business Timor na’in 1 inklui Jornalísta RTTL,EP na’in 1.
Iha Serimonia atribuisaun ne’e Prezidente CI Virgilo da Silva Guterres husu ba Jornalísta sira atu sai professional hodi respeita Públiku sira atu nune’e labele halo akuzasaun ba ema.
” Ba Jornalista sira ne’ebé iha ona Karteira Profissional katak respeita Públiku sira, ita nia Fontes no Ouvintes sira atu nune’e entre ita nia Fontes sira labele mosu konflitu, labele halo akuzasaun ba ema depois labele fo sai Notisia ne’ebé maka lalos” Prezidente CI Virgilo Guterres dehan molok atribui karteira Profisional ba Jornalista sira iha Covalima iha Resinto RCCT Domingu (05/12).
Prezidente CI ne’e mos dehan ba Jornalista sira ne’ebé atu labele utiliza Kartaun Identfikasaun Professional ba Interese Politika Partidaria nian.
“Ba maluk sira ne’ebe maka deside atu tuir Eleisaun ka Kampaña Partidu Politikus ruma di’ak liu kartaun sira ne’e intrega ba Conselho da Imprensa depois remata hotu maka karik hakrak kontinua ho imi nia Servisu bele foti fila fali” Presidente CI Virgilo informa.
Entretantu iha atribuisaun Karteira Profissional ba Jornalista hamutuk 12 ne’e, partisipa husi Administrador Postu Administrativu Suai, Prezidente no membru Conselho Radio Comunidade Cova-Taroman no Partisipa maximu husi Jornalísta sira ne’ebé hala’o aktividades Jornaliszmu iha Municipio Covalima.
Jornalista : Tynho Gusmão
Editor : Chamot Nahac
