Covalima (RCCT) 29-11-21, Centro Comunidade Covalima Selebra Loron Eliminasaun Violensia Hasoru Feto ne’ebé tuir data Selebrasaun ne’e hala’o Kada Tinan Entre Loron 25 Fulan Novembru to’o Loron 10 Fulan Dezembru, tan ne’e Centro Comunidade Covalima Selebra Loron Feto ne’e ho atividade Workshop ba Feto Sira ho Tema Lae Ona ba Violensia Kontra Feto no Labarik Feto sira.
Iha Fatin ne’e Presidenti Konsellu CCC Amelia de Jesus Amaral Dehan Objetivo Selebra Loron Eliminasaun Violensia Hasoru Feto no labarik ne’e atu hare Feto no labarik sira nebe durante ne’e hetan Violasaun.
“Ohin Loron Ami Selebra Loron Eliminasaun violensia Feto no labarik oinsa ita atu hare Feto no labarik sira durante nee hetan Violensia durante nee ita hare Feto mak hetan Violensia barak liu ao mesmo tempu maske ho mane sira tan nee Iha Loron ida ohin ho nia rasik dehan katak hateten lai ba Violensia kontra Feto no labarik maibe ida nee tema Nasional nebe ita sempre Selebra kata tinan no ohin Loron ita Selebra hamutuk ho centru komunidade antes atu Loron ba direitos humanos” Hateten Amelia de Jesus Amaral.
Enkuantu Iha sorin seluk Iha selebrasaun Eliminasaun Loron Feto no Labarik Iha Centro Comuniadade Covalima, Durante Workshop, Orador husi Ministeriu Publiku Jose Elo Ko’alia kona ba Apresenta Keisa Munisipio Covalima nian.
” Ami apresenta Keisa ba autoridade Municipio ou Indireitamente apresenta keisa iha Ministeriu Publiku liu liu iha Municipio Covalima e Ministeriu Publiku maka defende Lei ba sira maka Hasoru ona problema” Dehan Orador Jose Elo.
Entretantu selebra Eliminasaun Violensia Hasoru Feto no Labarik ne’e partisipante husi Reprejentante Administrador Municipio Covalima, Komandante Polisia VPU, Orador husi Ministeriu Publiku no delegada Suco sira.
Jornalista: Aliansa Serfina/Juvita Miranda.
Editor : Chamot Nahac
