Covalima (RCCT) 10-12-21, Centro Comunidade Covalima prepara Grupo feto no delgada sira hodi tau matan ba Problema ne’ebé Komunidade sira hasoru iha Suco laran.
Ba Jornalista sira Kordenadora Programa Feto Rural iha (CCC) Hilaria Amaral do Carmo hateten,prepara Delegada no Grupu Feto ne’e hodi bele e tau matan ba Kolker Problema ne’ebé ma feto Sira hasoru iha Suco Laran Nune’e mos CCC bele Ajuda liu husi Halo Advokasia ho Instituisaun ne’ebé relevante.
” Objektivu ba enkontru ne’e atu prepara feto sira atu nune’e bele hare ita komunidade sira nebe infrenta ba problema saida deit, nune’e bele aju CCC atu nune’e CCC bele kontinua halo advokasia ba instituisaun relevante sira atu ho nune’e bele ajuda komunidade sira ne’ebé hasoru problema“ dehan Kordenadora Programa Feto Rural Hilaria Amaral do Carmo
Hilaria Amaral fundamenta, liu husi Sorumutu ne’ebé CCC realiza iha Sexta Feira ohin Grupo no delegada Suco sira aprezenta atividade ne’ebe Feto sira hala’o iha Suco laran Durante ne’e.
“Iha enkontru ne’e mos ami husu tuir fali atividade saida mak sira halo ona iha Suco laran no atividade saida mak sira seidauk halo no rezultadu saida mak sira hetan durante sira implementa, no difikuldade sira hasoru, no husi difikuldade sira hasoru ne’e oinsa sira bele buka solusaun, iha atividade ne’e ami mos identifika rasik oinsa atu fo oportunidade ba sira no atu difini planu saida mak iha futuru sira atu halo iha tinan 2022″ katak Hilaria Amaral
Delgada Suco Beiseuk mos halore atividade ne’ebé sira hala’o iha Suco laran, hanesan Semana ida sira halo limpeza iha Sede do Suco, akompaña Pessoal Saude tama sai uma hodi halo vasinasaun ba Komunidade sira.
” Aktividade ne’ebé ami hala’o iha Suco laran mak hanesan kada semana ida ami limpeza iha Sede do Suco, akompaña Pessoal Saude sira tama sai uma hodi halo Vasinasaun ba Komunidade sira, no fahe fini hanesan Batar no Hare, rezultado husi aktividade ne’e Komunidade maioria Vasina ona, no rezultadu husi fahe fini ne’e udan ben di’ak no fini mos moris di’ak, no defafius ne’ebé mak ami hasoru ne’e Komunidade balu mak lakoi rona ami nia lian” dehan Delagada Suco Beiseuk
Entretantu CCC realiza enkontru ne’e iha Salaun Centro Comunidade Covalima no partisipa maximu husi Grupo Feto no Delegada Suco sira.
Jornalista : Aje Ferreira
Editor : Chamot Nahac
