Covalima ( RCCT ) 17-06-21, Centro Comunidade Covalima Alberto de Jesus husu ba Servisu Saude Municipal tenke hadi’a Jestaun Servisu kona ba atendementu ba propagasaun Covid-19 iha Covalima liu liu liu servisu ekipa vizilansia sira iha terenu.
“ Primeiro hakarak husu ba Ministerio Saude ( MS ) liu – liu Servisu Saude Municipal persija hadia Jestaun atendementu ba iha transmisaun nebe mak iha ezemplu bainhira ema kuandu hasai ona Swab fo hanoin ba nia tenke izola nia a’an hodi hein rezultadu Swab ne’ebe make ma ne’e rasik hasai iha Hospital, atu nune’e labele hadaet fila fali ema seluk antes kef o sai rezultadu negative ou pozitivu, hanesan loron hirak liu ba akontese iha hau nia bairo laran liu tiha loron ha’at ( 4 ) ka lima ( 5 ) mak foin fo sai rezultadu pozitivu maibe ema ne’e rasik halo ona kontaktu ba ema barak ona, entaun ne’e susar atu hakotu korenti Covid – 19 tamba antes fo sai rezultadu husi Saude ema refere halo ona kontaktu ema barak iha bairo laran.” Informa Diretur Centro Comunidade Covalima Albertu de Jesus Barros.
Diretur Albertu afirma liu tan antes ne’e nia parte fo sai ona iha enkontru ho autoridade lokal sira iha Administasaun Municpio kona ba failansu nebe mak durante ne’e servisu saude sira halo.
“Tanba ne’e iha inkontru liu ba hau nia deklaraun katak la’os ona Covid mak impede dezemvolvimentu maibe atendimentu husi parte saude mak impede dezemvolvimentu,tamba ho atendementu hanesan ne’e labele hakotu korente Covid – 19 iha Covalima, ho ida ne’e hau mensagen ba komunidade ho situasaun atendementu menus rekursu Saude iha Munisipio, tamba ne’e mak prosesu sira ne’e neneik, ho ida ne’e hau husu ita hotu tenke kumpri nafatin protokolu saude nian ne’ebe mak antes ne’e husi Centro Comunidade Covalima ho CVTL Munispio Covalima ho NGO sira seluk hamutuk ho Governu fahe ona informasaun ba ita bot sira konaba protokolu Saude nian atu nune’e it abele hado’ok a’an husi moras Covid – 19.” Tenik Diretur Centro Comunidade Covalima Albertu de Jesus Barros wainhira Partisipa iha Talksow nebe halao iha Studio RCCT iha Santa Rosa Debos, Quarta Feira Horseik
Diretor Centro Comunidade Covalima Alberto de Jesus mos nafatin enkoraja Komunidade hotu – hotu hola parte hodi Simu vasinasaun ne’e tanba vasinasaun ne’e importante tebes ba ema ida idak nia saude no mos ita halo vasinasaun dala rua ita bele livre ona halo viagen iha teritorio Timor Laran hanesan dekralsaun nebe Primeiro Ministro fo sai ona iha publiku foin lalais.
Engkuantu depois de Remata Talksow Kona servisu Sosiedade Sivil Iha kona ba durante ambito Covid-19 iha Studio RCCT, Prezidente Konsellu RCCT Intrega Maskre Scuba RCCT nia ba Diretur CCC no Coordenador CVTL Covalima hanesan Asaun Simples ba Prevensau Covid-19.
Jornalista : Saturnino Soares
Editor : Chamot Nahac
