Covalima (RCCT) 16-06-21, Kadalak Sulimutu Instituto (KSI) ho Instituto Edukasaun Popular (IEP) servisu hamutuk ho Uniaun Agrikultura Municipio Covalima (UNARCO) kontinia fo apoio ba sira nia membru sira nebe maka afeta ba inundasaun nebe akontese iha Loron 4 Fulan Abril liu ba.
Tamba ne’e hafoiniha Domingo (13-06-) foin laias (, KSI ho IEP hamutuk ho UNARCO apoio ona Membru targeto hamutuk uma kain 23 iha Aldeia Webaba Posto Zumalain, no Kuarta Feira ne’e (15-06) Ekípa servisu ne’e kontinua fo apoio nessesidades básikas ba Uma kain 4 iha Aldeia Hatu Suco Holpilat nebe afeta ba dezastre naturais (rai hala) nebe impaktu husi udan bo’ot nebe mosu iha Fulan Abril liu ba.
liga ne’e Familia Vitima Carminda da Costa sente kontente no agradese ba Organizasaun KSI no IEP nebe servisu hamutuk ho UNARCO hodi apoio ona ba sira, maske sasan nebe la barak maibe sira nia parte agradese.
“ Iha ne’e ami uma kain ha’at (4) maka vitima desastre naturais rai halai ne’e, depois iha ne’e so uma ida maka monu, no ami sira ne’e ameasa hotu kedas, rai halai ne’e liga ho udan bot ne’ebe mosu iha fulan abril liu ba ne’e, ne’ebe ami sente kontente tebes tamba ohin loron sira mai apoio ona sasan hirak ne’e mai ami, no ami mos agradese tebes ba sira, tamba masked ok maibe sira lori sasan ne’e mai to’o iha ami nia fatin ” Carminda dehan.
Enkuanto sasan nebe maka Kadalak Sulimutu Instituto (KSI) no Instuto Edukasaun Popular (IEP) servisu hamutuk ho UNARCO hodi distribui ba membru targeto uma kain sira maka hanesan Fos, Bimoli, Sedap, no Terpal, nsst.
Organizasaun KSI ho IEP Servisu hamutuk ho UNARKO hodi apoio Membru targeto uma kain 23 iha webaba, Beilaku hamutuk 21, iha Aldeia Hatu Suku Holpilat uma kain 2, no sei apoio tan ba membru target sira iha Fatumea, Suai Loro.
Jornalísta : Tynho Gusmão
Editór : Chamot Nahac
