BNCTL Fasilita Estudante ESGP Suai Kria Depozitu Matenek No Internet Banking Ba Profesor Sira

Covalima(RCCT)23-09-22—Banco Nacional do Comérsio Timor Leste (BNCTL) fasilita estudante sira iha Eskola Sekundaria Geral Publiku (ESGP) Suai hodi kria Depozitu Matenek ka konta estudante no ajuda profesor hodi kria Internet Banking.

Depozitu Matenek mak depozitu ida ne’ebé dezeña no oferese ba estudante sira iha nivel ensino sekundaria no ensino superior hodi rai osan ba nesesidade akademiku ka atu fasilita nesesidade diariu nian.

Enkuantu Internet Banking hanesan servisu ida atu realiza transaksaun bankaria liu husi meiu rede internet. Internet banking mos sei fasilita trazasaun bankaria no fornese servisu seluk hanesan transferensia, pagamentu, konsulta saldo, imprime estratu bankaria, no servisu seluk seim vizita sukursal banku, ne’ebé disponibiliza 24h no iha kolker fatin.

Diretór Franselino dehan konta estudante ka depozitu matenek ne’e fo benefisiu ba estudante sira hodi bele poupa no hatene rai osan iha banku hodi bele sustenta sira nesesidade eskola nian.

Konta estudante ka depozitu matenek ne’e bele fo benefisiu ba estudante sira, no oinsa atu eduka estudante sira poupa osan ou hatene rai sira nia osan iha banku, ida ne’e mak objetivu lolos husi kriasaun konta estudante ka depozitu matenek” Dehan Diretór Eskola Sekundaria Geral Publika (ESGP) Suai Franselino Freitas Carvalho, ba RCCT iha Resintu ESGP Suai, Sexta Feira (23/09)

Nia hatutan, internet banking ka SMS alerta ne’e atu bele fasilita Profesor hodi hetan alerta liu husi email, kada fulan konaba osan mak tama iha sira nia kontu ida idak, no bele hodi fasilita mos profesor sira nia nesesidade balu hanesan pulsa uja internet banking.

“Ba professor sira mak kria internet banking ka SMS alerta ne’e elektronikamente fulan fulan osan tama sms alerta ne’e tama ona liu husi professor sira ida idak nia email katak osan iha banku ne’e tama ona depois bele fasilita professor sira bele ense hanesan pulsa sira ne’e bele uja internet banking ne’e” tenik nia

Enkuantu Estudante ne’ebé kria ona konta estudante ne’e bele rai ka poupa osan iha banku, no fo benefisiu bo’ot estudante sira nia futuru hodi bele utilija ba nesesidade eskola nian.

Des-vantazem mak se wainhira estudante la kria konta estudante ka laiha depozitu matenek ne’e entaun la hatene poupa osan, inan aman fo nia investe rai iha banku para aban bainrua nia utiliza osan sira ne’e ba iha nesesidade eskola nian, lae osan inan aman fo mai tau deit iha bolsu laran nia gasta hotu, se nia kria ona konta estudante ne’e wainhira inan no aman fo satu dolar, dua dolar ka lima dolar nia bele rai ka poupa osan ne’e rai iha banku, tanba ida ne’e benefisiu bo’ot ba sira nia futuru Diretór ESGP Suai Franselino Freitas Carvalho Esplika

Nia Fundamenta katak, espesial ba estudante ESGP Suai, atu aproveita oportunidade di’ak ida ne’e hodi hatene poupa osan, liu husi trata konta estudante ou depozitu matenek.

“Espesial ba estudante ESGP Suai, ha’u hanoin ida ne’e oportunidade di’ak, tanba banku hakbesik an mai iha eskola ne’e, ita tenki agradese se lae ita mak ba iha banku ne’eba ne’e, ita dudu malu no espasu laiha, BNCTL kuandu mai hakbesik an ona ba ita, estudante hotu hotu, karik hakarak hatene poupa osan, trata imi nia konta estudante nian, ne’e ita bolu dehan depojitu matenek, atu nune’e estudante hotu bele hatene rai ou poupa osan” Nia hatete.

Enkuantu rekizitu abertura konta poupansa matenek mak estudante ne’ebé iha ona Billeti Identidade (BI) ka kartaun eleitoral, foto koloridu tahan ida, kartaun estudante ou kaderneta terseiru trimestre nian.

Nune’e mos ba professor sira mak atu kria sms alerta ne’e tenki hatama foto kopia rekening kontu BNCTL nian no kartaun eleitoral.

Jornalista : Jefry RastaQ

Editor     : Chamot Nahac