Covalima (RCCT) 25-06-21, Ministerio Solidadriedade Sosial e Inklusaun (MSSI) transfere ona Osan ba Konta Bankaria Idozus no Invalides ida-idak nian nune’e, Banco Nasional Comersiu Timor Leste (BNCTL) iha Municipio Covalima bele halo ona pagamentu ba Idozus no Invalides sira ba Faze dahuluk ba Periodo tinan 2021.
Ba Jornalista sira Gerente BNCTL Sukursal Covalima Manuel Calisto Ximenes hateten, total Benefisiarius iha Covalima hamutuk 6066, nebe kompostu husi Ema Idozus no Invalides ” Difisiensia”, no pagamento ne’e hanesan Faze ba dahuluk ba Periodo tinan 2021 ne’e.
“Ohin BCTL fasilita halo pagamento ba Ema Idozus no Ema Difisiensia sira nia direito nebe maka husi Sosial Haruka sira nia Osan sira ne’e ba sira Nia Konta ida-idak, iha Covalima ne’e total Benefisiarius 6066, Ida ne kompostu husi Idozus ho Invalides sira, depois pagamento Ida ne’e ba Faze Primeiro nian ba tinan ida ne’e” Gerente BNCTL Sukursal Covalima ne’e dehan.
Manuel Calisto ne’e dehan antes ne’e halo ona pagamento ba Benefisiarius sira iha Suco Beko no Labarai ho total Benefisiarius hamutuk 400 resin.
” Ami komesa iha Suco Beco no horiseik iha Labarai, no ohin iha Suco Suai Loro, Nebe durante ne’e Ita foin maka selu Ema 400 resin, Suku Beko atus rua resin, no Labarai mos atus Rua resin, total ne maka atus ha’at resin ” Manuel Castro temi.
Dadus Benefisiarius iha Suco Suai Loro, parte husu Sefe Suku ladun hatene ho lolos, Tanba ne’e Jornalista konfirma ho parte BNCTL, maibe seidauk bele fo komentario Tanba sei iha prosessu pagamento hela.
Maske nune’e Orsamento nebe ba pagamento ba ema Idozus ho Invalides hamutuk 6066 iha Municipio Covalima ne’e, hamutuk Dolar Amerikanu $.1,091,880.00
Jornalista : Tynho Gusmao
Editor : Chamot Nahac
