Covalima (RCCT) 19-11-21, Atu Komemora Loron Proklamasaun Timor Leste ba Dala 46 iha Covalima, Komisaun Organizadora (KO) Realiza Bazar kalan ne’ebé sei hahu iha Sabado dia 20 de Novembru 2021, iha Kampo Futebol Ladi.
Xefe Seksaun Feira no Bazar Kalan Damião Amaral dehan relasiona ho Komemorasaun 28 Novembru Tinan ida ne’e Sei hahu Feira no Bazar kalan durante Kalan 8.
Notisia Relevante :https://www.rcct.tl/bazar-kalan-iha-covalima-durante-kalan-8-hahu-aban/
“Relasiona ho loron Restaurasaun Proklamasaun 28 de Novenbro ba Dala 46,entaun Ita mos hanesan jerasaun ne’ebe tama ona era Independensia, ho Ida ne’e hanesan jerasaun foun hanoin ne’ebe Mak Di’ak, hodi komemora loron istoriku ne’e ho atividades oin-oin hodi festeza Ita Nia loron espesial Ida ne’e husi Komisaun Organizadora Kria seksaun Ida hodi hare ba Feira no Bazar kalan durante kalan 8 Nia laran” Informa Xefe Seksaun Feira no Bazar Kalan.
Xefe Seksaun Feira no Bazar kalan ne’e hanaruk KO Rezista ona Partisipates hamotuk 20 resin ne’ebé barak mos Preparadu ona hodi hadahur Feira ne’e.
” Konaba Atividade Feira no Bazar kalan ne’e Ami regista ona partisipantes ne’ebé atu hetan espasu ne’e kuaze 20 resin ona, no Agora Komisaun Organizadora prepara ona Sira Nia Fatin, depois sabadu 20 – 11 – 21 loro kraik sei halo abertura iha Kampu Ladi ba Feira no Bazar kalan nian, hafoin abertura ne’e ramata hahu kedas Feira ka Bazar kalan hodi festeza iha Komemorasaun 28 de Novembru ba Dala 46,” Teknik Sexe Seksaun Feira no Bazar Kalan Damião Amaral.
Entretantu Xefe Seksaun Feira no Bazar Kalan Damião Amaral husu ba komunidade Sira atu partisipa hotu festeza iha Feira no Bazar kalan hodi nune’e bele harame Ita Nia loro Proklamasaun Independensia ba Dala 46 iha Municipio Covalima.
Jornalista : Saturnino Soares
Editor : Chamot Nahac
