Covalima (RCCT) 13-01-22, Komandante PNTL Munisipiu Covalima Super-Intendente Polisia Basilio de Jesus, Hatur Programa Prioridade hat durante Lidera Komandu PNTL Covalima.
Komandante PNTL Munisipiu Covalima Super-Intendente Polisia Bazilio de Jesus esplika programa Prioridade hat ne’e ajusta iha servisu Polisia Komunitaria ho Servisu Polisia Suco, atu nune’e oinsa eleva kapasidade hodi kria amizade ho Jovem sira.
” Iha Ha’u nia prezensa iha Komandu ida ne’e, ha’u sei lori programa hat maka Prioridade, ida maka ita sei halo ajustamentu servisu Polisia Komunitaria ho Servisu Polisia Suco atu nune’e eleva kapasidade oinsa bele kria amizade ho Povu sira iha Fatin ne’ebé ita servisu ba” Komandante Basilio Esplika.
Komandante ne’e Fundamenta sei eleva kapasidade patrollamentu ajusta ho Polisia tranzitu rodaviaria hodi servi povu ho dignu.
” Ita mos sei eleva kapasidade patrollamentu ajusta ho Polisia tranzitu rodaviaria hodi servi Povu ho Dignu, la’os uja farda ho pistola tebe arbiru Komunidade sira, ne’e sala, bainhira tun terenu tenki hatudu atitude di’ak atu nune’e Povu sira bele dehan ita nia servidor sira mai ona” Bazilio informa.
Super-Intendente Polisia ne’e esplika, Sei fortifika servisu informasaun no investigasaun atu identifika kulaker atus ne’ebé mosu iha rai laran liu-liu iha Munisipiu Covalima.
“Sei fortifika servisu informasaun no investigasaun hodi bele deteta kualker atus ne’ebé mosu iha rai laran liu-liu iha Munisipiu ne’e, dalaruma tempu kalan ema hakrak Toba hakmatek tanba ne’e grupu ne’ebé maka provokator sira ne’e maka ita nia tarjetu ba servisu” Komandante Bazilio Halore
Entretantu Super-Intendente Polisia Basilio ne’e mos sei garantia Seguransa ba Eventu Nasionál Eleisaun Presidensial ne’ebé sei realiza iha Fulan oin tinan ne’e.
Jornalista :Tynho Gusmão
Editór : Chamot Nahac
