Covalima ( RCCT ) 09-12-21 Centro Juventude Covalima (CJC) Foti na Orsamentu Rihun Tolu Nulu Resin Tolu Atus Sia Hitu Nulu ($ 33.970.00) ne’ebé Sekretariadu Estadu Juventude no Desportu ( SEJD ) Apoio hodi Realiza Atividade despotu iha Municipio Covalima iha Postu Administrativu 7 ba Komemorasaun Loron Proklamasaun Independensia 28 de Novembru ba dala 46.
Tuir Programa Manager Centro Juventude Covalima Barnabe Ferreira orsamentu ba Atividade desportivu dadaun ne’e iha ona Centro Juventude Covalima, maibe atu halo alokasaun ba Postu Administrativu sira sei hein Administrador Municipio tanba Adminitrador sei halo servisu importante iha Nasional.
“ Orsamentu Rihun Tolu Nulu Resin Tolu Atus Sia Hitu Nulu ($ 33.970.00 ) foti ona iha nasional maibe atu despaixu ba postu sira sei hein Administrador Municipio Covalima tamba Adminitrador Municipio sei iha Nasional, wainhira Administrador fila husi Nasional mak ita koloka fali orsamentu hirak ne’e ba kada postu iha iha loron 13 fulan Dezembro tinan ne’e ” Tenik Programa Manager Centro Juventude Covalima Barnabe Ferreira.
Nia esklarese orsamentu ba atividade Desportivu Komunitaria iha Covalima Governu Preve Osan ho Numeru ne’ebe bo’ot tanba ne’e CJC labele halo Levantamentu iha BNCL Municipio Covalima no tenki Foti Osan iha Dili.
“ Relasiona ho atividade Desportu ne’ebé mak ami realiza iha Postu Administrativu hitu Iha Municipio Covalima, antes abertura ha’u informa ona, katak orsamentu ba atividade Desportivu ne’e ho montante ne’ebé bo’ot entaun ita labele foti iha Banco Municipio no ita tenke ba foti iha Nasional ho rajaun ita foti osan ho montante Rihun Tolu Nulu Resin Tolu Atus Sia Hitu Nulu ($ 33.970.00 ) ne’e ita foti iha Covalima bele foti dala rua ou tolu ba leten mak bele foti hotu tanba ne’e ita nia ekipa CJC foti direita osan iha Nasional ” Informa Programa Manager Centro Juventude Covalima Barnabe Ferreira ba RCCT iha nia K’naar Fatin.
Alende ne’e Programa Manager Centro Juventude Covalima haklean SEJD aloka orsamnetu ba kada Postu Administrativu (PA) ho montante ne’ebé la hanesan.
“ Centru Juventude Covalima ( CJC ) Aloka Orsamentu tuir matadalan husi Sekretariadu Estadu Juventude no Desportu ( SEJD ) ne’ebé mak iha nanis ona, tamba ne’e ita koloka orsamentu ba PA Fatululik ho montante rihun Hat Hitu Nulu Resin Walu Dolares Amerikanu ( $ 4.078. 00 ), PA Fatumea ita aloka Dolar rihun Ha’at, Atus ha’at Sanulu resin Hitu ( $ 4.417.00 ), PA Fohorem, Maucatar no Tilomar ita aloka orsamentu ho montante hanesan Dolar rihun Ha’at, Atus Hitu, Lima Nulu Resin Ne’en,( $ 4.756.00 ) ita Aloka orsamentu ba PA Zumalain ho montante Dolar Americano Rihun Ne’en, Atus Ida Sanulu Resin Rua ( $ 6.112.00 ) no ita koloka orsamentu ba PA Suai ho montante Rihun Lima, Sia Nulu Resin Lima ( $ 5.95.00 ) ” Haktenik Programa Manager Centro Juventude Covalima Barnabe Ferreira.
Entertantu Tuir Programa Manager Centro Juventude Covalima Barnabe Ferreira hateten konaba jogu Desportivu Komunitaria ne’e husi Postu balu mak realiza remata ona no Postu foin mak hahu Atividade Jogu no Postu rua seluk PA Fatumea no Zumalai mak seidauk realiza Atividade Desportivu ne’e ho razaun hein SEJD aloka ona orsamentu mak atu raliza atividades refere, maibe wainhira aloka orsamentu hotu mak la realiza atividades iha PA Fatumea no Zumalai sei fo fila orsamentu ba kofre Estadu.
Jornalista : Saturnino Soares
Editor : Chamot Nahac
