Covalima (RCCT)27-01-23—Reprezentante Administrador Munisipiu Covalima, atual Diretór Planu Dezenvolvimentu Integradu Munisipál, Afonso Nogueira Nahak, iha konfrensia Camara Comersiu Industria (CCI) Munisípiu Covalima ba dahat, husi CCI Covalima atu hari edifisiu rasik no mos tenki iha asesor juridiku.
“Iha biban ida ne’e hakarak atu rekomenda ba CCI Covalima tenki hari ninia edifisiu rasik, konstrui edifisiu ida, se lae ami husi munisipiu lori surat ba mos buka fatin iha ne’ebé, tanba ida ne’e maka tenke hari edifisiu CCI permanente ida iha rai Covalima atu nune’e ema hotu bele hatene, se lae ema labele hatene, hatene deit prezidente maibe ninia estrura tomak ema la hatene, tan ne’e mak tenke iha edifisiu” Afonso Nogueira Nahak, rekomenda iha deskursu wainhira partisipa iha konfrensia dahat (IV) CCI Covalima ba periudu 2022-2026 iha administrasaun Covalima, Kinta (26/01).
Afonso dehan CCI Covalima tenki iha Asesor Juridiku atu hodi bele analiza lei konaba konaba importasaun sasan tama mai Timor Leste liu husi fronteira rai maran liu liu iha Covalima.
“Ita nia lei sira agora sei iha bermasalah tabrakan ida dehan fo, ida dehan labele fo, ida hakarak no ida la hakarak, tanba ida ne’e maka kauza bo’ot iha postu integradu, sira iha fronteira ne’e implementa deit bainhira ema bo’ot sira hatun orientasaun dehan halo ida ne’e sira halo tuir deit, bo’ot sira autoriza sira tama, sira tama deit tanba ida ne’e maka prezensa asesor juridiku iha CCI Covalima importante tebes atu hodi hare lei sira ne’e hodi mai hato’o paraser ba administradór Munisípiu para bele foti desizaun se lae labele ita la’o hanesan ne’e deit kuandu laiha asesor juridiku” nia dehan.
Nogueira afirma iha situasaun pandemia covid-19 nia laran emprezariu sira fo servisu lubuk ida ba ema barak iha fronteira, tanba importador sira husi Atambua Indonesia hatama sasan mai Covalima to’o deit iha fronteira mota masin, sasan no kareta kondotor Covalima oan sira mak tula lori tama mai iha kapital Munisípiu maibe agora lae ona, maibe depois ne’e iha fali despaixu hodi autoriza importador sira bele asesu hodi tama liu kapital Covalima maka hamate eprezariu covalima oan sira ne’ebe fo servisu ba sira nia maluk rasik.
Ho ida ne’e Reprezentante Administrador Munisipiu Covalima, Afonsu Nugueira rekomenda ba konkresista sira mak partisipa iha konfrensia CCI Covalima ba dahat atu hili figura ida ne’ebe iha vizaun no misaun, ema ne’ebé iha hakarak duni atu serbisu ba rai ida ne’e tenki tau interese komum para bele lori Covalima ba di’ak no susesu.
Jornalista : JS
Editor : Chamot Nahac
